सीमाबाट २ युवतीको उद्धार

शंकर आचार्य

पर्सा — युएइको दुबईमा आकर्षक जागिरको प्रलोभन दिई सीमा कटाउन लागिएका २ युवतीको वीरगन्ज सीमाबाट उद्धार गरिएको छ । उनीहरूलाई भारत लैजान लागेका २ लाई पक्राउ गरी ज्यु मास्ने बेच्ने मुद्दा चलाइएको छ । 

वीरगन्जस्थित नेपाल–भारत सीमामा रहेको मानव बेचबिखनविरुद्ध कार्यरत संस्था केआई नेपालको सूचना तथा परामर्श केन्द्र । तस्बिर : कान्तिपुर

मकवानपुर कैलाश गाउँपालिकाका २५ वर्षीया र २९ वर्षीयालाई बेचबिखन गर्ने उद्देश्यले भारततर्फ लग्दै गरेको अवस्थामा वीरगन्ज सीमा नाकास्थित मानव बेचबिखनविरुद्ध कार्यरत संस्था केआई नेपालको सूचना तथा परामर्श केन्द्रले शुक्रबार उद्धार गरेको हो ।

Yamaha

उनीहरूलाई बेचबिखन गर्ने उद्देश्यले सीमा कटाउन लागेका मकवानपुर थाहा नगरपालिका ७ का १९ वर्षीय रामचन्द्र खत्री र मकवानपुर भीमफेदी गाउँपालिका ९ की ३६ वर्षीया मिना विक पक्राउ परेका हुन् । दुबैलाई आइतबार जिल्ला अदालतमा पेस गरी प्रहरीले ज्यु मास्ने बेच्ने मुद्दामा कारवाही अघि बढाएको छ । सीताको उनीहरू नातामा बहिनी पर्छन् । सीताको दुबै ठूलीआमाका छोरी हुन् ।

केआई वीरगन्जकी प्रमुख तारा सापकोटाका अनुसार शुक्रबार बिहान ८ बजे सीमाबाट ती युवतीको उद्धार गरिएको हो । रामचन्द्र र सीता छुट्टै टाँगामा भारत रक्सौलतर्फ जाँदै गरेको अवस्थामा पक्राउ परेका हुन् ।
पक्राउ परेपछि रामचन्द्र र सीताले अभियोग स्वीकार गरेका छन् । उनीहरूले दुबैलाई जनही १ लाख ५ हजारमा दुबई पुर्‍याउने प्रलोभन दिएकोमा तीमध्ये रेखाबाट पूरै र राधाबाट ४० हजार पाइसकेको स्वीकारेका छन् ।

रामचन्द्रले सीताले आफूलाई दुबैलाई सीमा कटाए बापत मात्र ४० हजार दिने बताएकाले आफूले यो काम गरेको बयान दिएका छन् । सीताले भने आफूले यसअघि पनि यसरी नै अन्य युवतीलाई पनि सीमा कटाइसकेकाले उनीहरूलाई भारतको बाटो हुँदै दुबई लग्न खोजेको बयान दिएकी छन् ।

यो गिरोहले साताअघिदेखि दुबैलाई राजधानीबाट भरतपुर, बुटवलसम्म ल्याएर अन्त्यमा वीरगन्ज नाका हुँदै भारत लग्न खोजेको थियो । कात्तिक २६ गते राजधानीबाट दुबई उड्ने विमान भनेर झुक्याएर भरतपुर ल्याएको र त्यसको भोलिपल्ट बुटवल लगेपछि आफूहरू नेपालमै रहेको तिनीहरूले भेउ पाएका थिए । अन्त्यमा नेपालबाट दुबईको विमानको टिकट नमिलेको रभारतमा टिकट मिलेको भन्दै झुक्याएर उनीहरूलाई भारत कटाउनलागिएको थियो ।

प्रकाशित : मंसिर ५, २०७५ ११:१५
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

बलात्कारका घटना बढे

३२ वटा बलात्कार घटनामध्ये २० बालिका बलात्कारमा परेका छन् ।
भरत जर्घामगर

सिरहा — जन्मदिनको पार्टी दिने बहानामा बोलाएर लहान नगरपालिका–११ स्थित भोटियाटोलको फूलबारीमा दुई युवती सामूहिक बलात्कारको सिकार भइन् ।

बलात्कृत लक्ष्मीपुर पतारीकी १५ वर्षीया बालिका र २० वर्षीया युवतीलाई चिनेका दुई युवकले जन्मदिनको पार्टी छ भनेर भाइटीकाको साँझ लहानतर्फ ल्याउँदै गर्दा बाटोमा पर्ने भोटियाटोलको आँपको फूलबारीमा बलात्कार गरे । फूलबारीमा थप पाँच जना युवक थिए ।

बलात्कृत हुने क्रममै राति १० बजे भागेकी २० वर्षीया युवतीले नजिकको गाउँमा खबर गरेपछि गाउँलेले इलाका प्रहरी कार्यालय लहानलाई खबर गरेको थियो । खबर पाउने बित्तिकै घटनास्थल पुगेको प्रहरी टोलीले १२ बजे राति नाबालिकाको उद्धार गरेका थिए ।

प्रहरी पुग्दा भने बलात्कारमा संलग्न सबै भागिसकेका थिए । पीडित दुवैको बयानअनुसार लहान नगरपालिका–११ का हरिकान्त चौधरीलेआफ्नो जन्मदिन भएकाले घरमा आउनुपर्‍यो भन्दै गाउँकै अनिस चौधरी र सुनिल चौधरीलाई लिन पठाएका थिए । हरिकान्तसँग दुई वर्षदेखि बलात्कृत युवतीको चिनजान भएको थियो ।

सिरहाको सुखिपुर नगरपालिका २ मा कात्तिक २७ गते २६ वर्षीया महिला बलात्कृत भइन् । महिला बलात्कृत भएको दुई दिनपछि प्रहरीले सोही वडाका ३० वर्षीय मोहमद समशुललाई पक्राउ गर्‍यो । यस्तै बरियारपट्टीका १६ वर्षीया बालिकालाई सामूहिक बलात्कार गरेको आरोपमा भारत मधुवनी भरचौराहाका २५ वर्षीय विजय यादव, उगन सहनी, ३१ वर्षीय मुकेश सहनी र ३७ वर्षीय काशिनाथ सहनीलाई प्रहरीले पक्राउ गर्‍यो ।

दुर्गा मेला हेरेर घर फर्किरहेकी लहान नगरपालिका २४ की १९ वर्षीया युवती कात्तिक २ गते सामूहिक बलात्कृत भइन् । बलात्कार आरोपमा युवतीले तीन युवकमाथि प्रहरीमा उजुरी दिइन् । सिरहामा बालिका र युवतीमाथि यौन दुव्र्यवहार र बलात्कार घटना बढदो छ । इन्सेक र जिल्ला प्रहरीको तथ्यांकअनुसार एक महिना कात्तिकमा मात्र सात वटा बलात्कार घटना भएका छन् । तथ्यांक अनुसर गत पुसदेखि १० महिना अवधिमा ३२ वटा बलात्कार घटना भएका छन् ।

त्यसैगरी २२ वटा बलात्कारका प्रयास भए । जिल्लामा ३२ वटा बलात्कार घटनामध्ये २० बालिका बलात्कारमा परेका छन् । बलात्कार घटना आठ वर्षीयादेखि १६ वर्षमुनिका बालबालिकामाथि भएका छन् । ती अवधिमा ७ बालिकामाथि यौन दुव्र्यवहार र बलात्कारको प्रयास भए । बलात्कारमा संलग्न अधिकांश १५ वर्षीय बालकदेखि ४५ वर्ष उमेर समूहका पुरुष छन् ।

गत वर्ष सिरहामा २४ बलात्कारका घटना भएका थिए । अधिकांश बलात्कार घटनका आरोपीलाई प्रहरीले पक्राउ गरी कारवाहीको दायरामा पुर्‍याए पनि घटना बढदै जानु समस्या भएको इन्सेक सिरहा प्रतिनिधी दुर्गा परियारको भनाइ छ ।

उनका अनुसार बलात्कारका घटनामा प्रहरी, प्रशासनले कारवाहीको दायरामा ल्याउँदा पनि घटना कमी हुनुुको साटो बढदै जानु आश्चर्य छ । तर अधिकारकर्मीहरू प्रहरी, प्रशासनले तत्कालीन मुलुकी ऐन ११ औं संशोधनले जवरजस्ती करणीको अपराधमा मुद्दा दायर नगरेका कारण पछिल्लोपटक बलात्कार घटनामा कमी हुन नसकेको बताउँछन् ।

अधिकारकर्मी राजकुमार राउत कुर्मीले बलात्कारीलाई मुलुकी ऐनको आधारमा नभई गोलमोटोल तरिकाले प्रहरीले केही सार्वजनिक अपराध मुद्दा लगाउने गरेको र बलात्कारीले थोरै रकम धरौटीमा राखी उन्मुक्ति पाउने गरेका कारण बलात्कारीको मनोबल बढन गई घटना वृद्धि भएको बताए । भदौदेखि लागू भएको मुलुकी अपराध (संहिता) ऐन, २०७४ को परिच्छेद १८ को दफा २१९ देखि २२९ सम्म करणीसम्बन्धी स्पष्ट कानुन बनेकाले अब बलात्कारी जोगिन नसक्ने उनको विश्वास छ ।

महिला मानव अधिकार रक्षक संजाल सिरहाकी अध्यक्ष देव कुमारी महराले प्रहरी प्रशासनले जवरजस्ती करणी अपराधअनुसार मुद्दा चलाउन नमान्ने र राजनैतिक संरक्षण समस्या भएको बताइन् ।

प्रकाशित : मंसिर ५, २०७५ ११:११
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT