चीनलाई उपहार दिने गैंडा काठमाडौं पठाइयो 

रमेशकुमार पौडेल

चितवन — नेपाल सरकारले चीनलाई उपहार दिएको गैंडा मंगलबार मध्याह्न काठमाडौं पठाइएको छ ।काठको विशेष खोरमा राखिएका गैंडाका बच्चाहरुलाई ट्रकमार्फत काठमाडौं लगिएको हो ।

निकुञ्जको पश्चिम क्षेत्र खोरिया मुहानबाट समाएको भाले गैंडा भद्र र सुखिभारबाट समाएको पोथी गैंडा रुपसीलाई सौराहाबाट संरक्षणकर्मी, स्थानीय तहका प्रतिनिधि र कर्मचारीहरुले मंगलबार मध्यान्ह बिदा गरे । ठूला गैंडा चीन लैजान गाह्रो हुने भएकाले चारवटा बच्चा गैंडा पठाउने निर्णय भएको हो । अहिले दुईवटा पठाएपछि केही समय पछि थप दुईवटा लगिने निकुञ्जका प्रमुख संरक्षण अधिकृत वेदकुमार ढकालले बताए ।

Yamaha

गैंडा राखिएको ती खोरहरु असार २८ गते बिहीबार विशेष कार्गो विमानमा राखेर चीन लैजाने निकुञ्जका प्रमुख संरक्षण अधिकृत ढकालले जानकारी दिए ।

यात्रा गराउँदा गैंडाको बच्चाहरुलाई बेहोस बनाइने छैन । दाना र फलफूल खुवाउँदै चीन लगिने छ । यी दुई गैंडालाई चीन गोन्जाओको चेमोलोङ पार्कमा राखिने ढकालले बताए । गैंडासँगै नेपालबाट दुईजना पशु चिकित्सक र रेखदेख गर्न अरु तीनजनाको टोली पनि जाँदै छ ।

सरकारले निर्णय गरेको ठिक दुई वर्षपछि गैंडाहरुको चीनका लागि निस्केका छन् । २०७३ सालको असार २६ गते चीनलाई गैंडा उपहार दिने सरकारले गरेको निर्णय भएको थियो ।

Esewa Pasal

प्रकाशित : असार २६, २०७५ १५:०२
ADVERTISEMENT
प्रतिक्रिया
पठाउनुहोस्

नेकपा सचिवालय बैठक साँझ पुनः बस्ने

रासस

काठमाडौँ — संगठनात्मक संरचनाका विषयमा टुंगो लगाउन बसेको नेपाल कम्युनिस्ट पार्टी (नेकपा) को सचिवालयको बैठक म‌ंगलबार साँझ पुनः बस्ने गरी स्थगित भएको छ । 

प्रधानमन्त्री निवास बालुवाटारमा मंगलबार बसेको बैठकमा नेकपाका नेता वामदेव गौतम नेतृत्वको कार्यदलले पेश गरेको पार्टीको नियमावली एवं सांगठनिक संरचनाका बारेमा पेश गरेको प्रतिवेदनमाथि छलफल भएको हो ।

शनिबार बसेको सचिवालयको बैठकले नेता गौतमको नेतृत्वमा कार्यदल गठन गरेको थियो । कार्यदलले प्रतिवेदन पेश गरेको र प्रतिवेदनमा छलफल भएपनि म‌ंगलबार साँझ पुनः बस्ने गरी स्थगित भएको प्रवक्ता नारायणकाजी श्रेष्ठले जानकारी दिए ।

पार्टी एकतापछि सांगठनिक संरचना, पार्टीका विभाग तथा अन्य नीतिगत विषयलाई टुंगो लगाउन बाँकी रहेको छ ।

बैठकमा मुलुकको पछिल्लो राजनीतिक अवस्थालगायतका विषयमा समेत छलफल भएको थियो ।

प्रकाशित : असार २६, २०७५ १५:०१
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT