गाला डाम्ने धामी धरौटीमा छुटे

जेठको अन्तिम साता पेटको बिरामी परेकी दर्जीलाई झारफुक गर्न आएका ओखलढुंगा रगनीका धामी रवीन्द्र नेवारले बोक्सी भगाउने भन्दै फलामको पुन्यू तताएर दर्जीको गाला डामेका थिए । सिस्नु पानी लगाउँदै पुन्यूले डामेपछि दर्जी बेहोस भएकी थिइन् । रोग निको पार्न आएका उनी दर्जी बेहोस भएपछि फरार भएका थिए । प्रहरीले सेलेघाटबाट पक्राउ गरी बोक्सी ऐनबमोजिम मुद्दा चलाएको थियो ।

बिहीबार रामेछाप जिल्ला अदालतका न्यायाधीश कृष्णप्रसाद पौडेलको इजलासले धामीलाई ५० हजार धरौटी मागेको थियो । उक्त घटनामा सहयोगी भएको आरोप लागेका अन्य ४ जनालाई पनि जनही २० हजार धरौटी लिने फैसला पौडेलको इजलासले सुनाएको छ ।