७० क्विन्टल मरिच बरामद
धादिङ — धादिङको मझिमटारस्थित प्रहरीले ७० क्विन्टल मरिच बरामद गरेको छ । पृथ्वी राजमार्गमा सवारी साधनको चेकजाँच गर्ने क्रममा बिहीबार बिहान २ सय ८० बोरा मरिच बोकेको भारतीय कन्टेनर प्रहरीले नियन्त्रणमा लिएको हो ।
जिल्ला प्रहरी कार्यालयका अनुसार काठमाडौंबाट चितवनतर्फ अवैध रूपमा मरिच लैजाँदै गरेको सूचनाको आधारमा बिहीबार बिहान इलाका प्रहरी कार्यालय गजुरी र प्रहरी चौकी जोगीमाराबाट खटिएको प्रहरी टोलीले राजमार्गमा सवारी चेकजाँच गर्नेक्रममा उक्त मरिच बरामद भएको हो ।
बरामद मरिचको भन्सार प्रज्ञापनपत्र र बिलबीजक माग गर्दा चालकले पेस गर्न नसकेकाले २५ किलो ग्रामका दरले २ सय ८० बोरामा रहेको ७० क्वीन्टल मरिच बरामद भएको हो ।
प्रतिक्रिया