टिपर दुर्घटनामा एकको मृत्यु

हरिहरसिंह राठौर

धादिङ — गएराति पृथ्वी राजमार्गमा भएको टिपर दुर्घटनामा परी एक जनाको मृत्यु भएको छ भने एक बेपत्ता छन् । टिपरमा सवार अन्य तीन जना भने घाइते छन् ।

गजुरी गाउँपालिका–६ स्थित पोखरे खोलामा काठमाडौंबाट मुग्लिनतर्फ जाँदै गरेको बा४खा७७८१ नम्बरको टिपर अनियन्त्रित भई सडकबाट करिव २०० मिटर तल खसी त्रिशुली नदीमा बेपत्ता भएको देवीदत्त गण गजुरीले जनाएको छ ।

Yamaha


मृत्यु हुनेमा टिपरमा सवार गजुरी गाउँपालीका बस्ने २२ वर्षीय केशर पुलामी रहेका छन् । दुर्घटनास्थलबाट उद्दार गरी उपचारका लागि लैजाँदै गर्दा पुलामीको बाटोमा नै मृत्यु भएको प्रहरीले जनाएको छ ।

यस्तै सोही स्थान बस्ने अन्दाजी २१ वर्षका रामकृष्ण भुजेल बेपत्ता भएका छन् । टिपरका चालक श्याम मगर र टिपरमा सवार अन्य दुई जनाको भने गजुरी अस्पतालमा उपचार भइरहेको छ । टिपरमा सवार सबै गजुरी गाउँपालिका-६का रहेको खुलेको छ ।

प्रकाशित : भाद्र १३, २०७५ ११:२५
प्रतिक्रिया
पठाउनुहोस्
ADVERTISEMENT
ADVERTISEMENT

९ महिने बालिका अपहरणपछि हत्या गर्ने अपराधीलाई कारबाहीको माग गर्दै विरोध प्रदर्शन

रवीन्द्र उप्रेती

काठमाडौँ — औरही नगरपालिकामा एक दुधे बालिकाको अपहरणपछि हत्या गर्नेलाई प्रहरीले पक्राउ नगरेको भन्दै स्थानीयले विरोध प्रदर्शन गरेका छन् । नगरपालिकाको वडा नं १ स्थित औरही बजारका किराना पसलका सञ्चालक सन्तोष चौधरीकी ९ महिने छोरी सोनालिकाको गत आइतबार अपहरणपछि हत्या गरिएको थियो ।

घटना भएको तीन दिन भइसक्दा पनि अपराधी पक्राउ गर्न नसकेको भन्दै स्थानीयले बर्दिबास-जलेश्वर सडकमा सवारी आवागमन अवरुद्ध पारेका छन् । उनीहरुले अपहरणकारी र हत्यारालाई तत्काल पक्राउ गरेर कारबाहीको माग राख्दै टायर बालेर प्रदर्शन गरिरहेका छन् ।

घटनाको विरोधमा स्थानीयले बिहानैदेखि औरही बजार बन्द गरेका छन् । हाट, पसल, शिक्षण संस्था समेत बन्द गरेका छन् ।

महोत्तरीका एसपी ईश्वर कार्कीले भने चाँडै अपराधीलाई पक्रेर कारबाही गर्ने बताए । उनले भने, 'हामी अपराधीलाई पक्राउ गरेर कारबाही गर्न प्रतिवद्ध छौं । तर यसरी बन्द, हड्तालमा स्थानीय उत्रिएपछि अपारधीलाई नियन्त्रणमा लिन अप्ठ्यारो हुन्छ ।'

एसपी कार्कीले सादा पोशाकका प्रहरीसमेत नेपाल-भारत सीमामा, छिमेकी जिल्लामा खटाइसकिएको बताउँदै स्थानीयलाई बन्द, हड्ताल नगर्न आग्रह गरे ।

बालिकाको शव सोमबार अपरान्ह औरही नगारपालिकास्थित फेकु चौधरीको आँप बगैंचामा फेला परेको प्रहरीले जनाएको छ ।

बालिकालाई भंगाहा सीतापुर–६ जमुनियाका २५ वर्षीय भरत साहले खेलाउने बहानामा आइतबार साँझ अपहरण गरेको परिवारले जनाएको छ ।

प्रकाशित : भाद्र १३, २०७५ ११:०३
पूरा पढ्नुहोस्
प्रतिक्रिया
पठाउनुहोस्
ADVERTISEMENT