डोजर दुर्घटनामा चालकसहित २ को मृत्यु, १ घाइते
सिन्धुली — कमलामाई नगरपालिका १ को डाँडीगुराँसेको चनौटेमा बुधबार जेसीबी डोजर दुर्घटनामा २ को मृत्यु भएको छ । निर्माणाधीन धरान-चतरा-हेटौंडा सडकको ट्रयाक सडकमा गुड्दै गरेको बा २ क ३२०५ नं को जेसीबी दुर्घटना हुँदा धनुषाको मिथिला नगरपालिका १० लालगढका ३० वर्षीय सन्तोष रिजाल र सिन्धुलीको तीनपाटन गाउँपालिका ५ का २५ वर्षीय कमल बोगटीको मृत्यु भएको हो ।
मृतक रिजाल जेसीवीका चालक हुन् ।
जेसीबीमै रहेका तीनपाटन गाउँपालिका ५ कै २४ वर्षीय गणेश थापा दुर्घटनामा गम्भीर घाइते भएका प्रहरी नायव उपरीक्षक लोकदर्शन थापाले जानकारी दिए । उनलाई उपचारार्थ काठमाडौं लगिएको छ ।
जेसीबी सडकबाट करिब २० मिटर तल खसेको थियो । डिआर कन्स्ट्रक्सन जेभीले उक्त खण्डमा काम गरिरहेको छ ।
प्रकाशित : भाद्र १३, २०७५ १७:१८प्रतिक्रिया