१० वर्षीय बालकको हत्या काकाबाट

शैलुङ गाउँपालिका–८ ढाडेका कुशल हराएको १५ दिनपछि जंगलमा मृत भेटिएका थिए । सडेको अवस्थामा उनको शव बुधवार भेटिएपछि प्रहरीले तीन जनालाई पक्राउ गरेको थियो । पक्राउ परेकामध्ये मृतकको काका पर्ने २५ वर्षीय उमेश विकले हत्या गरेको स्वीकारेको प्रहरी नायब उपरीक्षक वासुदेव पाठकले बताए ।

मृत बालकका बुबा राजु विश्वकर्माले काकाका छोरा २५ वर्षीय उमेश विकविरुद्ध किटानी जाहेरी दिएका छन् । घरबाट तीजको जात्रा हेर्न भदौ २७ गते घर नजिकैको शैलुङस्थित भैसेडााडातर्फ जाादै गरेका कुशललाई उमेशले हत्या गरेको स्वीकारेका छन् ।

हिड्दाहिड्दै जंगलमा पुगेपछि आफूलाई ‘खाते मर्‍यो’ भनेको रिसले कुशलको गुप्ताङ्गमा हिर्काएको उनले प्रहरीसमक्ष बयान गरेका छन् । अण्डकोषमा लाग्नेवित्तिकै ढलेपछि मरेको ठानी कुशललाई जंगलमा लगेर स्याउलाले छोपेको उमेशले स्वीकार गरेका छन् ।

हत्या अभियोगी उमेश मृतक कुशलका बाबु राजुको काकाका छोरा हुन् । दाजुभाई नाता पर्ने उमेश र राजुबीच जग्गा विवाद थियो । त्यसको निहुामा झगडा पनि भैरहन्थ्यो । जंगलको बीचमा भेटिएका कुशललाई जथाभावी बोलेको आक्रोशमा कुटपिट गरेको उमेशले बयान दिएको डीएसपी पाठकले बताए ।