सिन्धुपाल्चोक — मुख्य तथा गाउँ पुग्ने सडक व्यवस्थित बनाउन स्थानीय सरकार एकैसाथ जुटेका छन् । तीन नगरपालिका र नौ गाउँपालिकाले दसैं लक्षित गरेर सडक तयार गर्न दिएका हुन् ।
(सिन्धुपाल्चोक) - मुख्य तथा गाउँ पुग्ने सडक व्यवस्थित बनाउन स्थानीय सरकार एकैसाथ जुटेका छन् । तीन नगरपालिका र नौ गाउँपालिकाले दसैं लक्षित गरेर सडक तयार गर्न दिएका हुन् । हेलम्बु गाउँपालिका पर्यटकीय हेलम्बुको प्रत्येक गाउँ जोड्ने सडकलाई ग्राभेल, मर्मत सम्भारमा जुटेको छ ।
मेलम्ची हेलम्बु तिम्बु सडकखण्डको १६ किलोमिटर बर्खामा केही समस्या देखिए पनि अहिले समाधान भइसकेको छ । मेलम्चीघ्याङ, तार्केघ्याङ ,पाल्चोक भेगसम्म जोड्ने सबै सडक तयारी हुन थालिसकेका छन् । पाँचपोखरी थाङपाल गाउँपालिकाले तिपेनी–भोटेनाम्लाङ, बासखर्क–बरुवा,भोताङ, गुन्साजस्तो दुर्गम गाउँ जोड्ने सडक मर्मत सकिसकेको जनाएको छ । दसैंैअघिसम्म ‘सबै सडकलाई सञ्चालनमा ल्याएर छाडिसक्छांै, त्यसैलाई केन्द्रित गरेर मर्मतसम्भारका लागि बजेट छुट्याएका छांै,’ पाँचपोखरी थाङपाल गाउँपालिकाका अध्यक्ष टसी लामा हेल्मोले भने ।
दसैंलाई केन्द्रित गरेर गाउँभरको सडक मर्मत गरी तयारी हालतमा बनाउन लागेको उनको भनाइ छ । ‘सबै सडक बनिसकेपछि स्थानीयलाई दसंैका उपभोग्य सामग्री ल्याउन सजिलो पार्न लागेका छौं,’ उनले भने । बाह्रबिसे नगरपालिकाले दसंैलाई विशेष केन्द्रित गरेर गाउँभर मर्मतको अभियानलाई तीव्रता दिएको छ ।
क्षेत्री, बाहुनदेखि तामाङ, थामीलगायत अधिकांश जाति नगरभित्र बसोबास गर्ने भएकाले दसंै लक्षित गरेर सडकलाई प्राथामिकतामा राखिएको बाह्रबिसे नगरपालिकाका प्रमुख निफुन्जो शेर्पा सुनाउँछन् । ‘प्रमुख राजमार्गसँगै जोडिएका सबै मार्गलाई विस्तारै सम्भार र बजार क्षेत्रको सडक कालोपत्रे गर्दै छांै, घुम्थाङ, कर्थली, घोर्थलीजस्ता लेकाली गाउँको सडकलाई बलियो बनाउँदै छांै,’ शेर्पाले भने । उनले दसंैअगाडि सडकको पूर्वाधार भरपर्दो बनाउन १५ वटा एक्जाभेटर रातारात प्रयोग गरिरहेको प्रस्टयाए । लिशंखुपाखर गाउँपालिकाका अध्यक्ष कमल नेपालले गाउँपालिकाभरका बर्खामा बन्द भएका सबै सडक चल्न थालिसकेको बताए । ‘हालै ठूलोधादिङ, पेटुकमा सार्वजनिक यातायात नै चलाइसकेका छौं,’ नेपालले भने, ‘दसंैका लागि भनेर केही बाहेक सबै सडक व्यवस्थित बनाइसक्यांै ।’ लामोसाँघु जिरी सडकबाट जोडिएका मुख्य र शाखा ठूलोपाखर, धादिङ जोड्ने झन्डै तीन सय हाराहारीका सडक थप मर्मतको कार्य अहिले हँुदै छन् । बलेफी गाउँपालिकाका वडा ८ का अध्यक्ष चरिबहादुर तामाङले दसंैअघि बजार क्षेत्र सफा बनाइसक्ने र सडकको पूर्वाधार बनाइसक्ने लक्ष्य राखेका छन् । ‘दसंैलाई उल्लासमय बनाउन सडकलाई पहिलो प्राथामिकतामा राखेर काम भइरहेको छ,’ तामाङले भने ।
जिल्लामा नमुना गाउँ नगर बनाउन कस्सिएका जनप्रतिनिधिले सडकलाई केन्द्रबिन्दु बनाएर अरू योजनालाई अगाडि लगेको बताएका छन् । मेलम्ची नगरले मर्मत अवस्थाका मुख्य सडकको दुरावस्था भए पनि अन्य सडक निर्माणले फडको मारेको बताएको छ । ‘सडकको कारणले समस्या आइरहेको छ, त्यसैले यसलाई जोड दिएका छौं,’ मेलम्ची नगरपालिकाका प्रमुख डम्बर अर्यालले भने ।
बाटो खोलिँदै
दोलखा (कास)– दसैंमा मनाउन घर आउनेहरूको सुविधालाई लक्षित गरी बिगु गाउँपालिकाले अवरुद्ध सबै ग्रामीण सडकहरू खोल्न थालेको छ ।
गाउँपालिकाभित्रका करिब तीन सय किलोमिटर सडक वर्षात्का कारण अवरुद्ध भएका थिए । अहिले पाँच वटा स्काभेटर सडक खोल्न व्यस्त छन् । दसंै मनाउन घर आउनेहरू गाडीबाट गाउँबस्तीमै आइपुग्न सकून् भनेर सडक मर्मतलाई तीव्र पारिएको अध्यक्ष युधृष्टि खड्काले बताए ।
उक्त गाउँपालिकाको सिंगटीदेखि लादुक ११ किलोमिटर, लादुकदेखि बराङसम्म १३ किलोमिटर, सोरुङदेखि चिलङखासम्म ३५ किलोमिटर, साङवा, आलम्पु र बिगुसम्म करिब ३५ किलोमिटर र बुक्मादेखि साङवासम्म १२ किलोमिटर सडकका अवरोध हटाएर धमाधम खोलिँदै छन् । केही दिनमा अस्थायी रूपमा सबै सडकहरूमा मोटर चल्न सक्ने गाउँपालिकाले अध्यक्ष खड्काले बताए । जिल्लाको अति दुर्गम उत्तरी क्षेत्रको बिगु गाउँपालिकामा दसैं लक्षित सडक खुलाउने अभियानमा उपभोक्तले पनि साथ दिएका छन् ।
देशका विभिन्न भागदेखि भारतबाट समेत यस गाउँका बासिन्दा मोटर नै रिर्जभ गरी दसंै मान्न आउँछन् । बाहिरबाट करिब १० हजार स्थानीय दसंैमा घर आउने अनुमान छ । उनीहरूलाई लक्षित गर्दै पालिकाले भाडामा स्काभेटर लिएर बाटो खोल्न थालिएको हो । घण्टाको चार हजार ६ सय रुपैयाँ बोलकबोलमा लिइएको स्काभेटरका साथमा पालिकाका एक प्राविधिक छन् ।
