मध्यवर्ती उपभोक्ता समिति पाँच कार्यालयमा तालाबन्दी 

उनीहरुले मध्यबिन्दु नगरपालिकाको नन्दभाउजु, अमलटारी, लामिचौर, शिशवार र गैडाकोटमा रहेको शिख्रौली मध्यवर्ती उपभोक्ता समितिका कार्यालयमा आइतबार तालाबन्दी गरेका हुन् ।

डेढ साताअघि नारायणीमा माछा मार्ने बेला मध्यविन्दु नगरपालिका–२ कोल्हुवाका बुद्धिराम बोटे र वीरबहादुर बोटेलाई गस्तीमा रहेको निकुञ्जको सैनिक टोलीले पक्राउ गरी चितवन राष्ट्रिय निकुञ्ज कार्यालय कसरा लगेको थियो ।

बोटे समुदायका ब्यक्तिहरुले राष्ट्रिय निकुञ्जअन्तर्गतका ती उपभोक्ता कार्यालयमा धर्ना समेत दिएका छन् ।उनीहरुलाई बिनासर्त छोड्नुपर्ने माग गर्दै तालाबन्दी गरेको बोटे समाजका केन्द्रीय महासचिव दीपक बाटेले बताए ।

माछा मार्नबाट बञ्चित गरे आफुहरुको जीविकोपार्जनमा समस्या हुने बोटेहरुको गुनासो छ । सानो जालले माछा मार्न पर्नेमा नदी वारपार हुने ठूलो जाल प्रयोग गरेको भेटिएकाले उनीहरुलाई समातेको सेनालाई उद्धत गर्दै नन्दभाउजु उपभोक्ता समिति अध्यक्ष दोमनबहादुर भण्डारीले बताए ।