इनार संरक्षणमा जुटे स्थानीय 

प्रतिक्षा काफ्ले

स्याङजा — पुतलीबजार नगरपालिका–१२ स्थित पेल्काचौरमा रहेको पुरानो इनारको संरक्षणमा स्थानीय जुटेका छन । इनार संरक्षणसँगै नमुना इनार बनाउने प्रतिबद्धतासहित अगाडि बढेको उनीहरुलेब बताए । 

फोटो: स्याङजाको पुतलीबजार नगरपालिका–१२ स्थित पेल्काचौरमा रहेको जिल्लाकै पुरानो र ठूलो भनेर चिनिने इनार । तस्बिर: प्रतिक्षा काफ्ले/कान्तिपुर । 

इनार समुदायको गहना भएकाले संरक्षण आवश्यक छ भन्ने हेतुका साथ स्थानीयहरु एकजुट भएर निर्माण कार्य थालनी गरेको इनार व्यवस्थापन समितिका सचिव राजेन्द्र शर्माले बताए । यो इनार जिल्लाकै परिचित नमुना इनार पनि हो ।

Yamaha

इनारको सम्बद्र्धन एवं प्रबद्र्धनका लागि अत्यावश्यक देखिएपछि संरक्षणको पहिलो कार्य अनतर्गत ट्रष्ट निर्माण गरिएको समितिले जनाएको छ । पिउने पानी र सिचाईंको प्रमुख स्रोत तथा पर्यटकीय दृष्टिकोणले महत्वपूर्ण स्थलको रुपमा अगाडि बढाउन सकिने सो स्थलको संरक्षण कार्यमा सरकारी,गैरसरकारी निकाय र स्थानीय एकजुट छन् ।

धेरै पहिले देखि नै साविक पेल्काचौर गाविसका दुई वडाका एक हजार जना यो इनारबाट प्रत्यक्ष लाभान्वित थिए । त्यसपछि दुई टोलले इनारको पानी उपभोग गर्दै आएका थिए । ७ वर्ष अघि जी डब्लू एस नामक आइएनजीओको सहयोगमा खानेपानी आयोजना निर्माण सम्पन्न भएपछि इनारको प्रयोग हुन छाडेको स्थानीय देबबहादुर गुरुङले बताए ।

अहिले पेल्काचौरबाट करिब १३ किलोमिटर टाढा वालिङ नगरपालिकाको रानिश्वारा भन्ने ठाउँमा दुई ओटा पानीको मुहान किनेर पाइपलाइनबाट गाउँका धारामा पानी जोडिएको उनले जानकारी दिए ।

‘पानी नआउँदा भने यही इनारको पानी प्रयोग गरिन्छ’ सचिव शर्माले भन्छन, ‘खानेपानीको पाइपमा नियमित पानी आउदैन । प्रयोगमा आउने भनेको यही इनार हो । जसले गर्दा यसको संरक्षणमा जुटेका हौँ ।’ जिल्लाकै पुरानो र ठूलो इनारलाई पुन: सञ्चालन गर्ने र यसबाट आगामी दिनमा पानीको अभाव नहुने भन्दै संरक्षण समिति अघि बढेको उनको भनाइ छ ।

इनार संरक्षणका लागि काम गर्न प्रोत्साहन मिल्छ भन्दै स्थानीयले संरक्षण समिति नै बनाएर कार्य थालनी गरेका हुन् । ‘पानी सफा भएपछि पिउनका लागि पनि यही प्रयोग हुन्छ’ शर्माले थपे, ‘आजसम्म संरक्षण नगरिएको हुदाँ सरसफाई पनि गर्ने कुरा भएन । जसका कारण पानी दूषित थियो । अब भने पिउनका लागि नै प्रयोग हुने गरी यसलाई जोगाउने हो ।’
१९ मिटर लम्बाई रहेको इनारको चौडाइ ३३ फिट छ भने घेराइ १७ मिटर रहेको छ । यसको संरक्षणको लागि प्रदेश सरकारसँग विस्तृत योजनासहित करिब ७५ लाखको माग भइरहेको सचिव शर्माले बताए । ‘इनार संरक्षण गरेपछि यहाँका ५ हजार स्थानीय प्रत्यक्ष लाभान्वित हुनेछन्’ वडाध्यक्ष गुरुङले भने, ‘पर्यटकीय दृष्टिकोणबाट र स्थानीयको आवश्यकता त्यसमा पनि खानेपानी महत्वपूर्ण मानिएर यसलाई जोगाउनतर्फ लागेका हौँ ।’

इनार संरक्षणको लागि वडा कार्यालयबाट २ लाख ८० हजार रुपैयाँ सहयोग गरिएको वडा कार्यालयका प्रमुख डालबहादुर कुँवरले बताए । इनार संरक्षणका लागि स्थानीयले श्रमदान समेत गरेका छन् ।

प्रकाशित : जेष्ठ १, २०७५ १४:३०
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

पविता भइन् प्रथम मिसेज हङकङ नेपाल

किसन राई

हङकङ — वात्सल्यमा स्वार्थ हुँदैन र कुनै पनि आमाको लागि त्यो सबैभन्दा खुसीको विषय हुन्छ । त्यही भाव पोखेर पविता राईले प्रथम मिसेज हङकङ नेपालको ताज पहिरिएकी छन् ।

‘हरेक नारीको जीवनमा त्यो पल सबैभन्दा खुसीको हुन्छ, जुन समय उ एक आमा बन्छिन्’, तपाईंको जीवनमा सबैभन्दा खुसीको पल कुन हो? मुख्य निर्णायक हङकङ नेपाली महासंघकी अध्यक्ष रिता गुरुङको प्रश्नमा उनले लिखित जवाफ दिइन्, ‘जुनबेला म आमा बनेँ, मेरो जीवनमा सबैभन्दा खुसीको पल त्यही थियो।’

खोटाङमा जन्मिएकी ३२ वर्षीया पविताले मिसेज पर्सनालिटि र कन्फिडेन्टको उपाधि पनि हात पारिन्। १० जना प्रतिस्पर्धीलाई पछि पार्न सफल उनलाई ७ हजार हङकङ डलरको चेक प्रदान गरिएको थियो।

फस्ट रनरअप सावित्रा इङनामको भागमा वेष्ट ड्रेसको उपाधि परेको थियो। मिसेज डिसिप्लिन अनिता तामाङ सेकेण्ड रनरअप घोषित भइन्। फस्ट र सेकेण्ड रनरअपलाई क्रमश: ५ र ३ हजार हङकङ डलरको चेक प्रदान गरिएको थियो।

उत्कृष्ट पाँचमा पर्न सफल रिन्जी डोल्मालाई मिसेज ट्यालेन्ट र क्याटवक र नानु गुरुङलाई पब्लिक च्वाइस र मिसेज क्रियटिभको उपाधि दिइएको थियो। त्यसैगरि मिसेज फ्रेण्डसिप र फोटोजेनिक मन्जु थापा, मिसेज स्माइल करुणा श्रेष्ठ, मिसेज पपुलर र हार्डवर्किङ सरस्वती चाम्लिङ, मिसेज सोसियल अनिता राई, वेष्ट हेयर निता थापा र मिसेज व्यटिफुल शान्ति खत्री घोषित भएका थिए।

नेपाल महिला संघ हङकङद्वारा आयोजित कार्यक्रम हेनरी जी ल्योङ याउमाते कम्युनिटी सेन्टरमा सम्पन्न भएको थियो।

प्रकाशित : जेष्ठ १, २०७५ १३:२५
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT