देउसीभैलोबाट ‘डस्टबिन’
गोरखा — सिरानचोक गाउँपालिका ७ श्रीनाथकोटको अर्कुलका युवाले देउसीभैलोबाट संकलित रकमले प्लास्टिकजन्य फोहर व्यवस्थापनका लागि डस्टबिन खरिद गरेका छन् ।
१८ वटा डस्टबिन खरिद गरेर राखिएको स्थानीय प्रताप ढकालले बताए । ‘तीन दिन गाउँमै देउसीभैलो खेलेर ४० हजार संकलन गरेका थियौं,’ उनले भने, ‘मान्छेको चहलपहल हुने टोलका मुख्य–मुख्य ठाउँमा डस्टबिन राख्यौं ।’
सिरानचोक ८ को फिनामटार, अजिरकोट ५ को चनौटे र अर्कुल प्राविमा पनि डस्टबिन राखिएको उनले बताए । संघर्ष गुरुङको नेतृत्वका ४० जना युवाहरूले समूह बनाई देउसीभैलो खेलेका थिए ।
प्रकाशित : कार्तिक २९, २०७५ १०:३१प्रतिक्रिया