सर्पले टोकेर एकको मृत्यु
दाङ — सर्पले टोकेर मंगलबार दाङमा एक जनाको मृत्यु भएको छ । घरमा सुतिरहेको अबस्थामा सर्पले डसेर बबई गाउँपालिका ४ हापुरेका २५ वर्षीय देवराज आलेको मृत्यु भएको हो ।
सोमबार राती सर्पले डसेपछि गम्भिर बिरामी भएका आलेको उपचारका क्रममा मंगलबार विहान राप्ती अञ्चल अस्पताल घोराहीमा मृत्यु भएको हो ।
सोमबार मात्रै तुलसीपुर उपमहानगरपालिका ८ अश्वाराका चार बर्षीय कमल बिकको पनि सर्पको टोकाईबाट मृत्यु भएको थियो । सर्पले डसेर बिरामी परेका कमलको उपचारका लागि नेपालगञ्ज लैजाँदै गर्दा बाटोमै मृत्यु भएको थियो । सँगै सर्पले डसेर बिरामी परेकी उनकी ११ वर्षीया दिदी अनिता बिकको भेरी अञ्चल अस्पताल बाँकेमा उपचार भैरहेको छ ।
प्रतिक्रिया