डुबेर दुईको मृत्यु
दाङ — दाङमा खोलामा डुबेर दुईजनाको ज्यान गएको छ । ग्वार खोला तर्ने क्रममा बगेर तुलसीपुर उपमहानगरपालिका–१२ टरिगाउँका ४५ वर्षीय पर्शुराम चौधरीको मृत्यु भएको ईलाका प्रहरी तुलसीपुरले जनाएको छ ।
तुलसीपुर–१६ जहदागाउस्थित आफन्तको घरबाट फर्कने क्रममा शनिबार राति चौधरी बगेको र आइतबार बिहान मात्रै शव फेला परेको प्रहरीले जनाएको छ ।
यसैगरी तुलसीपुरमै कुलोमा डुबेर एक बालकको मृत्यु भएको छ । तुलसीपुर–१६ का ८ वर्षीय अभिषेक चौधरीको स्थानीय कुलोमा डुबेर मृत्यु भएको प्रहरीले जनाएको छ ।
प्रकाशित : श्रावण २७, २०७५ १६:५२प्रतिक्रिया