घर भत्कँदा एकको मृत्यु 

कैलालीका निमित्त प्रमुख जिल्ला अधिकारी जनकराज भट्टका अनुसार राती करिब १ बजेतिर घर भत्केको र त्यसैमा च्यापिएर रानाको मृत्यु भएको हो । मृतकका श्रीमान् ६५ वर्षीय कडेवा राना सामान्य घाइते भएका छन् ।

कैलाली लगायत ७ नम्बर प्रदेशका सबै जिल्लामा आइतबार रातिदेखि वर्षा भइरहेको छ । वर्षाका कारण यहाँका नदीनालाहरुमा पानीको सतह बढेको छ । महाकाली, कर्णाली, मोहना, खुटिया लगायतका खोलाहरुमा पानीको जलस्तर बढेको जिल्ला प्रशासन कार्यालय कैलालीले जानकारी दिएको छ ।

बाढीको जोखिम भएका क्षेत्रका स्थानीयहरुलाई सचेत रहन आग्रह गरिएको जिल्ला प्रशासन कार्यालयले जनाएको छ । निमित्त प्रजिअ भट्टले जिल्ला दैविप्रकोप उद्दार समितिका स्वयंसेवकहरुलाई आवश्यक निर्देशन दिइसकेको बताए ।