धनगढी — बाजुराको बुढीगंगा नगरपालिका–१ मल्लाकुणीमा घर भत्किँदा ४५ वर्षीया कला परीको मृत्यु भएको छ ।
शुक्रबार रातिको वर्षाले घर भत्किएर मृत्युु भएको जिल्ला प्रहरी कार्यालय बाजुराका प्रहरी नायब उपरीक्षक सागर बोहराले बताए । रिला, साउँदवाडालगायतका बिभिन्न बस्तीहरुमा पहिरोले घर भत्किएको प्रहरीले जनाएको छ । विस्तृत विवरण बुझ्न प्रहरी परिचालन गरिएको डिएसपी बोहोराले बताए ।
पहिरोका कारण बाजुराका दर्जनौ बस्ती जोखिममा परेका छन् । ठाउँठाउँमा पहिरो गएका कारण सदरमुकाम मार्तडी जोड्ने साँफे–मार्तडी सडक एक महिनादेखि अवरुद्ध छ ।
प्रकाशित : भाद्र २, २०७५ १०:२५प्रतिक्रिया