'चार दलीय सहमति गैरसंवैधानिक’

कान्तिपुर संवाददाता

काठमाडौ — संघीय समाजवादी पार्टी नेपालले चार दलीय सहमतिमा चुनावी सरकार गठन हुनु गैरसंवैधानिक भएको बताएको छ ।


'हामी चुनाव लड्न तत्पर छौं तर चार दलले गैरदलीय चुनावी सरकार गठन गर्नु गैरसंवैधानिक छ,' पार्टी अध्यक्ष अशोक राईले भने, 'यसलाई प्रमुख चार दलले आफ्नो असफलता प्रदर्शन गर्ने घटनाका रूपमा लिएका छौं ।'
तीनदिने केन्द्रीय समिति बैठकपछि आइतबार पत्रकार सम्मेलन गरी उक्त पार्टीले वर्तमान राजनीतिक गतिरोधका मुख्य जिम्मेवार कांग्रेस, एमाले र एमाओवादीलगायत सत्तारूढ गठबन्धन रहेको भन्दै सर्वदलीय सहमति हुनुपर्ने माग गरेको छ ।
'राष्ट्रपति सबै दलहरूका अभिभावक हुन्,' अध्यक्ष राईले भने, 'देशलाई संवैधानिक रूपमा अघि बढाउन सबै दलसित छलफल गर्नुपर्छ, चार दललाई मात्र सर्वेसर्वा ठान्नु हुन्न ।'
'राष्ट्रपतिद्वारा संवैधानिक रूपमा बनेको सरकारद्वारा प्रस्तुत निर्वाचनसम्बन्धी अध्यादेश पनि स्वीकृत नगरिएको परिप्रेक्षमा संविधानसभा पुनःस्थापनाको विकल्प नै सबैभन्दा उपयुक्त र संवैधानिक विकल्प हो,' विज्ञप्तिमा भनिएको छ, 'प्रधानन्यायधिशको नेतृत्वमा गैरदलीय चुनावी सरकारको सहमति गर्नु लोकतन्त्रको मूल्यमान्यता तथा शक्ति पृथकीकरणको सिद्धान्तविपरीत रहेको हाम्रो पार्टीको निष्कर्ष छ ।'
जनमोर्चा र समाजवादी एकता दानबहादुर विश्वकर्मा नेतृत्वको जनमोर्चा र नेपाल संघीय समाजवादी पार्टीबीच एकीकरण भएको छ । पत्रकार सम्मेलनमा एकीकरण घोषणा गरिएको हो ।
'जनताको इच्छा र आकांक्षालाई साकार रूप दिन, नेपाली क्रान्ति र त्यसका उपलब्धिहरूको संस्थागत गर्न,' २०६२/६३ को शान्तिपूर्ण जनक्रान्ति र त्यसको उपलब्धिलाई संविधानसभाको माध्यमबाट संस्थागत गर्न दलहरू असफल भएको उल्लेख गदर्ैै संयुक्त विज्ञप्तिमा भनिएको छ, 'संविधानसभाबाटै पहिचानसहितको संघीयता र संघीयतासहितको संविधान निर्माण गर्न प्रतिबद्ध नयाँ वैकल्पिक राष्ट्रिय राजनीतिक शक्तिको आवश्यकता पूरा गर्न एकीकरण भएको घोषणा गर्दछौं ।' दुई पार्टी एकीकरणसँगै संघीय समाजवादी पार्टी र झन्डालाई समाहित भएको जनाइएको छ  ।

प्रकाशित : फाल्गुन ७, २०६९ ०८:५६
प्रतिक्रिया
पठाउनुहोस्

मन्त्रिपरिषद् बैठक

नेपाल-चीन हवाई वार्ता हुने
कान्तिपुर संवाददाता

काठमाडौ — सरकारले नेपाल-चीनबीचको हवाई सम्झौता पुनरावलोकनका लागि पर्यटन तथा नागरिक उड्डयन मन्त्रालयका सचिव सुशील घिमिरेसहितका अधिकारीलाई चिनियाँ उड्डयन मन्त्रालयका अधिकारीसित वार्ता गर्ने जिम्मेवारी दिएको छ ।

मन्त्रिपरिषद्को आइतबार बसेको बैठकले घिमिरेसहितका अधिकारीलाई यो अख्तियारी दिने निर्णय गरेको हो ।
उपाध्याय कामु सचिवमा बढुवा सरकारले वाणिज्य तथा आपूर्ति मन्त्रालयको द्विपक्षीय व्यापार महाशाखा प्रमुख सहसचिव ङइन्द्रप्रसाद उपाध्यायलाई कायममुकाम सचिवमा बढुवा गरेको छ । मन्त्रिपरिषद्ले प्रधानमन्त्री तथा मन्त्रिपरिषद् कार्यालयका सचिव यज्ञ गौतमले ५८ वर्ष उमेर पूरा गरी आइतबारदेखि अवकाश पाएपछि रिक्त भएको पदमा उपाध्यायलाई बढुवा गरेको हो । सरकारले दर्जनौं वरिष्ठ सहसचिवलाई पन्छाउँदै उनलाई कायममुकायम सचिवमा बढुवा गरेको हो ।
सुरक्षा नीति राजनीतिक समितिमा मन्त्रिपरिषद्ले गृह मन्त्रालय प्रस्तावित 'आन्तरिक सुरक्षा नीति २०६९' थप छलफलका लागि राजनीतिक समितिमा पठाएको छ । सरकारले हनुमानढोका दरबार क्षेत्रभित्र रहेको मन्दिर ढुकुटी खोल्नेसम्बन्धी कार्यविधि पारित गरेको छ । कार्यविधि पारित भएपछि पुरातत्त्व विभाग, हनुमानढोका दरबार संरक्षण कार्यालयलाई ढुकुटी खोल्ने बाटो खुलेको जानकारी संस्कृति मन्त्रालयका अधिकारीले दिए । सरकारले २९ जिल्ला अस्पताललाई विकास समिति मातहत सञ्चालन गर्ने निर्णयसमेत गरेको छ ।

प्रकाशित : फाल्गुन ७, २०६९ ०८:५५
पूरा पढ्नुहोस्
प्रतिक्रिया
पठाउनुहोस्