आर्मी अपराजित

आर्मीले जेभियर कलेजलाई ९३–७३ ले पराजित गर्दै लिगमा लगातार ११ औं जित दर्ता गरायो । पहिलो क्वाटरमा २३–२८ ले पछि परेको आर्मीले उत्कृष्ट पुनरागमन गरेर अपराजित यात्रा कायमै राखेको हो । सदीश प्रधानले सर्वाधिक २६, रविन खत्रीले २२ र प्लेयर अफ द म्याच आयुश सिंहले १९ अंक जोडे ।

अर्को खेलमा एएनके कीर्तिपुर बास्केटबल टिमले विशाल मिलन केन्द्र (बीएमके) लाई ६०–५१ अंकले हरायो ।

कीर्तिपुरको जितमा अभिषेक सिंहले १७ तथा अनिल शाहिले ११ अंक जोडे । जितसँगै कीर्तिपुरले १० खेलबाट १५ अंक जोड्दै प्ले–अफमा पुग्ने सम्भावना जीवितै राखेको छ । विशाल मिलन केन्द्रले ११ खेलबाट २४ अंक जोडेको छ ।