आर्सनल युरोपा लिगको सेमिफाइनलमा
मस्को — ड्यानी वेलबेक र आरोन राम्जीको दोस्रो हाफको गोलको मद्दतले आर्सनलले सीएसकेए मस्कोलाई समग्रमा ६-३ ले हराउँदै युरोपा लिगको सेमिफाइनलमा स्थान पक्का गरेको छ ।
बिहीबार मस्कोमा २-२ को बराबरी खेल्दै इंग्लिस टोली अर्को चरणमा प्रवेश गर्यो ।
एक समय घरेलु टोलीले २-० को अग्रता लिँदै खेलमा फर्कने संकेत देखाएको थियो । फेडोर चालोभ र किरिल नाबाब्किनले टोलीलाई अग्रता दिलाएका थिए ।
अर्को खेलमा मार्सेले आरबी लेप्जिगलाई समग्रमा ५-३ ले हरायो । साल्जबर्गले घरेलु मैदानमा लाजियोलाई ४-१ ले पराजित गर्दै समग्रमा ६-५ ले पराजित गर्यो । स्पोर्टिङ लिस्बनले एट्लेटिको म्याड्रिडलाई १-० ले हराएपनि स्पेनिस टोलीले समग्रमा २-१ को जित हात पार्यो ।
प्रकाशित : चैत्र ३०, २०७४ १०:०४प्रतिक्रिया