सुशील र माला उत्कृष्ट

प्रकाश स्मृति बक्सिङ
कान्तिपुर संवाददाता

काठमाडौँ — प्रकाश दाहाल स्मृति राष्ट्रिय बक्सिङ प्रतियोगितामा आर्मीका खेलाडीले ९ स्वर्ण पदक जित्दै टिम च्याम्पियनको उपाधि जितेका छन् ।

उत्कृष्ट खेलाडीद्वय सुशील थापा र माला राईका साथ मन्त्री बिना मगर ।

आर्मीले पुरुषतर्फ ५ स्वर्णसहित ५ रजत र ६ कांस्य तथा महिलातर्फ ४ स्वर्णसहित २ रजत र ५ कांस्य जितेको थियो । पुरुषमा आर्मीका सुशील थापा र महिलामा एपीएफकी माला राई उत्कृष्ट खेलाडी घोषित भएका छन् । उत्कृष्ट निर्णायक आठौं साफ खेलकुदका स्वर्ण विजेता प्रकाश थापामगर भए । उनीहरूले समान २० हजार रुपैयाँ पुरस्कार प्राप्त गरे । विजेतालाई खानेपानीमन्त्री तथा स्व. प्रकाश दाहालकी पत्नी बिना मगरले पुरस्कृत गरिन् ।

हेभिवेट ९१ केजीमाथिको स्वर्ण आर्मीका आशिष दवाडीले जिते । उनले कैलालीका सुरेश ओझालाई हराए । ९१ केजीमा आर्मीका अर्जुन सिंहले आफ्नै क्लबका गणेश प्रधानलाई पराजित गरी स्वर्ण जिते । ८१ केजीमा कास्कीका दीपक सुनुवारले आर्मीका भूपेन्द्र सिंह, ५२ केजीमा एपीएफका विक्रम परियारले आर्मीका विकास राई र ४८ केजीमा आर्मीका सुशील थापाले एपीएफका आश तामाङलाई हराएर स्वर्ण जिते ।

Yamaha

५६ केजीमा एपीएफका पूरन राईले कास्कीका दिनेश बानियाँ, ६० केजीमा आर्मीका दानबहादुर दर्लामीले झापाका प्रकाश लिम्बू, ६४ केजीमा आर्मीका नरेश थापाले झापाका अविनय राई, ६९ केजीमा कास्कीका हेमराज राउतले आर्मीका रवि सुनार र ७५ केजी तौलमा बानुजका कौशलजंग थापाले आर्मीका कृष्णराज शाहीलाई हराएर स्वर्ण जिते ।

महिलातर्फ आर्मी र एपीएफले समान ४ स्वर्ण जिते । ५४ केजीमा मीनु गुरुङले काठमाडौंकी मीना घले, ५७ केजीमा चन्द्रकला थापाले नक्सालकी कुसुम तामाङ र ६० केजीमा सविना श्रेष्ठले कैलालीकी सविता चौधरी र ७५ केजीमा शिलु डंगोलले आर्मीकै सोनाम रोकालाई हराएर स्वर्ण जितिन् । विजेता सबै आर्मीका हुन् ।

५१ केजीमा माला राईले मकवानपुरकी सन्जुमाया थिङ, ६९ केजीमा सरस्वती रानाले आर्मीकी उमा गुरुङ, ४८ केजीमा सावित्री तामाङले आफ्नै टिमकी नन्जा बुढामगर र ६४ केजीमा विनिता थापामगरले नक्सालकी अम्बिया बिकलाई हराएर स्वर्ण जितेका थिए । विजेता सवै एपीएफका हुन् । विजेता र उपविजेताले क्रमश: १० र ५ हजार रुपैयाँ पुरस्कार पाए ।

प्रकाशित : असार १८, २०७५ ०८:१४
ADVERTISEMENT
प्रतिक्रिया
पठाउनुहोस्

चुटिए सन्दीप

क्यानडा प्रिमियर लिग
कान्तिपुर संवाददाता

काठमाडौँ — नेपाली स्पिनर सन्दीप लामिछाने ग्लोबल टी–२० क्यानडा प्रिमियर लिगमा पहिलो खेल खेल्दा महँगा बलर भएर छन् । उनले ४ ओभरमा ५७ रन खर्चिंदा उनको टोली मोन्ट्रियल टाइगर्स शनिबार वेस्ट इन्डिज ‘बी’ सँग २ विकेटले पराजित भएको छ ।

टस जितेको मोन्ट्रियलले किङ सिटीमा ९ विकेट गुमाई १ सय ८४ रन बनायो । टोलीबाट जिम्बावेका सिकन्दर राजाले ३७ बलमा ४८, सुनील नारिनले १५ बलमा २८ र मोइसेस हेनरिक्सले २६ रन बनाए । अन्तिममा ब्याटिङ गर्न आएका सन्दीप १ बलमा १ रन बनाई नटआउट रहे ।

पाँचौं ओभरमा सन्दीप पहिलो ओभर लिएर आए, जहाँ उनले पहिलो बल नै ओभर स्टेपमा नो बल फालेका थिए । त्यसमा निकोलस पूरनले स्ट्रेट छक्का प्रहार गरे । सन्दीपले आफ्नो पहिलो ओभरमा कुल २१ रन खर्चिए । पूरनले एक्लैले त्यसमा २ छक्का र १ चौका प्रहार गरे ।

सन्दीप १० औं ओभरमा दोस्रो स्पेलमा आए । उनको फुल टस पहिलो बलमा चौका प्रहार गर्दै पूरनले २७ बलमा अर्धशतक पूरा गरे । सन्दीपले त्यो ओभरमा १० रन खर्चे । १३ औं ओभरमा आफ्नो तेस्रो ओभर गर्नेक्रममा सन्दीप अझ महँगा हुन पुगे । उनले उक्त ओभरमा २५ रन खर्चे । ब्रान्डन किङले उनको ओभरमा ३ चौका र २ छक्का प्रहार गरे ।

इन्डियन प्रिमियर लिगमा दिल्ली डेयरडेभिल्सबाट ३ खेल खेल्दै सनसनी मच्चाएका सन्दीपले क्यानडामा पहिलो खेल खेल्दा ३ ओभरमा ५६ रन खर्चिसकेका थिए । मोन्ट्रियलका कप्तान लासिथ मालिङ्गाले सन्दीपलाई १९ औं ओभरमा उनको चौथो ओभर बलिङ गर्न दिए । त्यसमा उनले जेरेमिहा लुइसलाई आउट गरी १ रनमात्र खर्चे वेस्ट इन्डिज ‘बी’ ले ५ बलअगाडि लक्ष्य पूरा गर्‍यो ।

भारतको दिल्लीमा ‘प्राविधिक कारण’ अड्किएकाले सन्दीपले मोन्ट्रियलको पहिलो खेल खेल्न पाएका थिएनन् । सन्दीपबिनाको पहिलो खेलमा मोन्ट्रियललाई विनिपेग हाक्सले ४३ रनले हराएको थियो । दिल्लीको समस्या पन्छाएपछि क्यानडा पुगेर सन्दीपले मोन्ट्रियलबाट आफ्नो पहिलो खेल खेलेका हुन् । सन्दीपलाई अघिल्लो महिना अक्सनमा मोन्ट्रियलले ४० हजार डलरमा लिएको थियो ।

प्रकाशित : असार १८, २०७५ ०८:१३
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT