युनाइटेड विजयी, टोटेनहमको हार

एएफपी

लन्डन — म्यानचेस्टर युनाइटेडले इंग्लिस प्रिमियर लिगअन्तर्गत आइतबार बर्नलीको घरेलु मैदानमा २–० को सहज जित दर्ता गरेको छ ।

गोल गरेपछि सहकर्मीसँग खुसी मनाउँदै म्यानचेस्टर युनाइटेडका रोमेलु लुकाकु (बायाँ) । तस्बिर : रोयटर्स

बेल्जियन स्ट्राइकर रोमेलु लुकाकुले दुई गोल गरेपछि टोलीले महत्त्वपूर्ण तीन अंक हासिल गरेको हो । अघिल्लो साता टोटेनहम हट्सपरले घरेलु मैदानमा ३–० ले हराएपछि दबाबमा परेका प्रशिक्षक जोसे मोउरिन्होलाई यस जितले उत्साह दिलाएको छ ।

खेलको २७ औं मिनेटमा एलेक्सिस स्यान्चेजको पासमा लुकाकुले गोलको खाता खोलेका थिए । उनले नै पहिलो हाफ सकिनुअघि गोल गर्दै युनाइटेडको अग्रता दोब्बर पारे । खेलको अन्तिम २० मिनेट भने युनाइटेड १० खेलाडीमा सीमित भएको थियो । वैकल्पिक खेलाडी मार्कस रासफर्डले विपक्षी खेलाडीलाई टाउकाले हानेपछि रेफ्रीले रातो कार्ड देखाएका थिए ।

Yamaha

अर्को खेलमा टोटेनहम अपराजित रहेको वाटफर्डसँग २–१ ले पराजित भयो । घरेलु मैदानमा वाटफर्डका अब्दुलाए डुकुरेले ५३ औं मिनेटमा आत्मघाती गोल गरेपछि स्पर्स अगाडि बढेको थियो । तर ७ मिनेटको अन्तरमा २ गोल गरेपछि घरेलु टोली खेलमा फर्कियो ।

वाटफर्डका लागि ट्रोए डिनी र क्रेग काथकार्टले गोल गरे । वाटफर्ड यस जितपछि चार खेलमा १२ अंकसहित तालिकाको तेस्रो स्थानमा शत प्रतिशत नतिजा लिएर बसेको छ । स्पर्स ९ अंक जोड्दै पाँचौ र युनाइटेड ६ अंकसाथ १० औं स्थानमा छ ।

Esewa Pasal

प्रकाशित : भाद्र १९, २०७५ ०७:५४
ADVERTISEMENT
प्रतिक्रिया
पठाउनुहोस्
ADVERTISEMENT

भारत पकड बनाउँदै

एएफपी

साउथह्याम्पटन — तीव्र गतिका बलर मोहमद सामीले लन्चको ठीक अगाडि र पछाडिको लगातार बलमा विकेट लिनु र त्यसपछि कप्तान जो रुट रनआउट हुँदा भारतले चौथो टेस्टको दोस्रो दिन खेलमा पकड जमाएको छ ।

इंग्ल्यान्डको विकेट लिएपछि सहकर्मीसँग खुसी मनाउँदै भारतका कप्तान विराट कोहली । तस्बिर : रोयटर्स

शनिबार ८० ओभरको खेल समाप्त हुँदासम्म इंग्ल्यान्ड २१८–६ को स्थितिमा छ । इंग्ल्यान्डले दोस्रो इनिङ्समा १ सय ९१ रनको अग्रता लिएको छ । इंग्ल्यान्डका लागि क्रिजमा जोस बटलर ६३ र स्याम करान १३ रनमा खेलिरहेका छन् ।

पाँच खेलको सिरिजलाई २–२ को बराबरीमा ल्याउने लक्ष्यसहित उत्रेको भारतीय टोलीका लागि सामीले लन्चअघि ओपनर किटन जेनिङ्सलाई ३६ रनको स्थितिमा एलबीडब्लू धरापमा पारे । लगत्तै दोस्रो सेसनको पहिलो बलमै नयाँ ब्याट्सम्यान जोनी बेरस्टो बोल्ड भए । त्यसपछि अर्को ओभरको पहिलो बलमा सामीको ह्याट्रिक बलमा जोगिए पनि रुट सामीको डाइरेक्ट थ्रोमा ४८ रनमा खेलिरहँदा रनआउट भए ।

दिनको सुरुआतमा ६–० को स्थितिमा रहेको इंग्ल्यान्डले ओपनर एलेस्टर कुकलाई १२ रनमा गुमाएको थियो । ब्याटिङ क्रममा बढुवा भएका मोइन अली पनि सस्तैमा आउट भएपछि इंग्ल्यान्ड ३३–२ को स्थितिमा पुगेको थियो । त्यसपछि जेनिङ्स र कुकले तेस्रो विकेटका लागि ५९ रनको साझेदारी गरे ।

रुट आउट भएपछि क्रिजमा आएका बटलरले बेन स्टोक्ससँग छैटौं विकेटका लागि ५६ रनको साझेदारी गरे । स्टोक्स ३० रनमा आउट भए । भारतका लागि सामीले २ तथा रवि आश्विन, इशान्त शर्मा र जसप्रित बुमराहले १–१ विकेट हात पारेका छन् । अघिल्लो दिन ुचेतेश्वर पुजारा १ सय ३२ रनमा नटआउट रहँदा भारत २ सय ७३ रनमा अलआउट भएको थियो ।

प्रकाशित : भाद्र १७, २०७५ ०९:१३
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT