साफ च्याम्पियनसिपः भारतले श्रीलंकालाई २-० ले हरायो
ढाका — साफ च्याम्पियनसिप २०१८ को समूह 'बी' को पहिलो खेलमा भारतले श्रीलंकालाई २-० गोल अन्तरले हराएको छ ।
बुधबार राति बंगलादेशको राजधानी ढाकास्थित बंगबन्धु रंगशालामा भएको खेलमा भारतले ३५ र ४७ मिनेटमा गोल गर्दै श्रीलंकामाथि जित हासिल गरेको हो ।
भारतको तर्फबाट ३५ औं मिनेटमा आशिक्यू कुरुनियनले र ४७ औं मिनेटमा लालियनजुएला छाङ्टेले गोल गरे ।
खेलमा श्रीलंकाले गोल गर्ने राम्रो अवसरहरु पाए पनि गोल भने गर्न सकेन ।
समूह 'बी' मा भारत, श्रीलंका र माल्दिभ्स छन् ।
प्रतिक्रिया
