साफ च्याम्पियनसिपः बंगलादेशले पाकिस्तानलाई हरायो

कान्तिपुर संवाददाता

काठमाडौँ — साफ च्याम्पियनसिप २०१८ को समूह 'ए' को तेस्रो खेलमा बंगलादेशले पाकिस्तानलाई १-० ले पराजित गरेको छ । बंगलादेशको राजधानी ढाकास्थित बंगबन्धु रंगशालामा राति भएको खेलमा बंगलादेशले पाकिस्तानलाई हराएको हो ।

खेलको ८५ औं मिनेटमा बंगलादेशका टोपु बर्मानले गोल गर्दै टिमलाई जित दिलाए।बंगलादेश यो जितसँगै समूहको २ खेलमा जित निकाल्दै पहिलो स्थानमा छ।
नेपाल र पाकिस्तानले १/१ खेलमा जित निकालेका छन् भने १/१ खेलमा हार व्यहोरेका छन्।

Yamaha


गोल अन्तरका आधारमा नेपाल दोस्रो स्थानमा रहेको छ। नेपालले बिहीबार मध्यान्ह भएको खेलमा भुटानलाई ४-० ले हराएको थियो।

सेमिफाइनल पुग्ने सम्भावना सबै टोलिको जिवितै रहेको छ।

शुनिबार हुने समूह 'ए' को अन्तिम आ-आफ्नो खेल जित्नै पर्ने दबाबमा टिमहरु रहेका छन्।

शनिबार पाकिस्तान विरुद्ध भुटान र नेपाल विरुद्ध बंगलादेश मैदानमा उत्रँदै छन्।

Esewa Pasal

प्रकाशित : भाद्र २१, २०७५ २२:३७
ADVERTISEMENT
प्रतिक्रिया
पठाउनुहोस्
ADVERTISEMENT

मन्त्रिपरिषद बैठक : उपराष्ट्रपति कार्यालय सारिने

सरकारले यो वर्ष पनि भेटेन सर्वोत्कृष्ट कर्मचारी, ४० उत्कृष्ट कर्मचारी भने छनोट 
अब्दुल्लाह मियाँ

काठमाडौँ — सरकारले उपराष्ट्रपति कार्यालयलाई लैनचौर स्थित समाज कल्याण परिषद रहेको परिसर भित्र सारिने भएको छ । मन्त्रीपरिषदको बिहीबार बेलुकी बसेको बैठकले प्रहरी तालिम केन्द्रलाई काभ्रेको पनौती र उपराष्ट्रपति कार्यालयलाई लैनचौर सार्ने निर्णय गरेको संघीय मामिला तथा सामान्य प्रशासन मन्त्री लालबाबु पण्डितले जानकारी दिए ।

राष्ट्रपति र उपराष्ट्रपति कार्यालय नजिकै हुनुपर्छ भन्ने मान्यताका साथ यस्तो निर्णय गरिएको मन्त्री पण्डितले बताए। १८ महिना भित्र सबै व्यवस्थापन मिलाएर कार्यालय सारिने जानकारी उनले दिए।

अहिले उपराष्ट्रपति कार्यालय कान्तिपथस्थित निर्वाचन आयोगकै भवनमा छ। सहरी विकास मन्त्री मोहम्मद इस्तियाक राईले समाज कल्याण परिषदलाई समेत लैनचौरबाट हटाएर अन्यत्र व्यवस्थापन गर्ने निर्णय भएको कान्तिपुरलाई बताए।

मन्त्रीपरिषद बैठकले निजामती सेवा दिवासका दिन शुक्रबार पुरस्कृत हुने ४० जना निजामती कर्मचारीको नाम समेत टुंगो लगाएको छ। देशभरका करिब ९० हजार निजामती कर्मचारीबाट ४० जना उत्कृष्ट कर्मचारी छनोट गरिएको हो। दुई लाख रुपैयाँको सर्वोत्कृष्ट निजामती पुरस्कारका लागि भने सरकराले यो वर्ष पनि योग्य कर्मचारी भेट्न नसकेको मन्त्री पण्डितले बताए।

मन्त्री पण्डितका अनुसार पुरस्कृत हुने ४० मा ५ जना सहसचिव छन्। अरु उपससिचव, अधिकृत, नासु र श्रेणीविहिनसम्म छन्।

आदिवासी, जनजाती, मधेसी, मुस्लिम, महिला, दलित, पिछिडिएको क्षेत्रबाटसमेत कर्मचारी छनोट गरिएको मन्त्री पण्डितले बताए।

मुख्य सचिव लोकदर्शन रेग्मी संयोजक र पूर्व विशिष्ट श्रेणी तथा पूर्व सचिवहरु सदस्य रहको छनोट समितिले पुरस्कृत हुनेहरुको नाम टुंगो लगाएको हो।

सच्याइयो : यसअघि प्रकाशित समाचारमा 'उपराष्ट्रपति कार्यालय लौनचौर सारिने' हुनुपर्नेमा अन्यथा हुन गएकोमा सच्याइएको छ ।

प्रकाशित : भाद्र २१, २०७५ २१:४२
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT