सहिद स्मारक ‘ए’ डिभिजन लिगमा थ्रीस्टार र पुलिसको यात्रा सुरु

फ्रेन्ड्स १–२ थ्रीस्टार, जावलाखेल ०–१ पुलिस
कान्तिपुर संवाददाता

काठमाडौँ — उपाधिका दाबेदारहरू थ्रीस्टार र पुलिसले सातदोबाटोस्थित एन्फा कम्प्लेक्समा बिहीबार तीन अंक जोड्दै सहिद स्मारक ‘ए’ डिभिजन लिगको यात्रा सुरु गरेका छन् ।


थ्रीस्टारले ललितपुर डर्बीमा फ्रेन्ड्समाथि २–१ को जित रच्यो भने अजित भण्डारीको गोलको सहयोगमा पुलिसले जावलाखेल युवा क्लबलाई १–० ले पराजित गर्‍यो। फ्रि–किकमा बनेको मुभमा तेज तामाङको क्रसमा अजतलले ३१ औं मिनेटमा गोल गरेका थिए। जितसँगै थ्रीस्टार र पुलिसले संकटा समान ३ अंक बनाएका छन्। चौध टिम सहभागी लिगमा हिमालयन शेर्पाविरुद्ध एपीएफ र ब्रिगेड ब्वाइजविरुद्ध मनाङ मर्स्याङ्दीको खेलपछि ‘दसैं ब्रेक’ हुनेछ।

Yamaha


स्टार खेलाडीले भरिएको थ्रीस्टारले आक्रमक खेल पस्कियो। यस क्रममा रन्जन विष्टले पहिलो हाफ र बुद्ध चेम्जोङले दोस्रो हाफमा गोल गरे। युवा र अनुभवी खेलाडीलाई समेटै मैदानमा उत्रिएको फ्रेन्ड्सको लागि सब्स्टिच्युट विकास लामाले अन्तिम समयमा गोल गरे।

थ्रीस्टारका अफ्रिकी मूलका खेलाडी पिटर सेगुनले चौथो मिनेटमा फ्रेन्ड्सका बंगलादेशी गोलकिपर मोहमद करिमसँग वान भर्सेस वानको अवस्थामा प्रहार गरेको बल पोष्ट बाहिर गएको थियो। अर्को मिनेटमै सुनील बलको फ्रि–किकमा रन्जित धिमालको हेडर पनि बाहिरिएको थियो।

रन्जनको एकल प्रयासमा थ्रीस्टाले १७ औं मिनेटमा अग्रता लिएको थियो। उनले एक्लै अघि बढाउँदै बललाई सिक्स यार्ड बक्सबाट पोष्टको दिशा दिएका थिए। फ्रेन्ड्सले पहिलो आक्रमण २५ औं मिनेटमा गरेको थियो तर त्यसमा कप्तान धिरज श्रेष्ठको हेडर सटिक रहेन। लगत्तै थ्रीस्टारले रन्जितले प्रहार गरेको फ्रि–किकमा बल पोष्टनजिकबाट बाहिरिएको थियो। सरोज योन्जनको फ्रि–किकमा गोलकिपर एलन नउपाने ‘बिट’ भइसकेको अवस्थामा डिफेन्डर विष्णु सुनुवारले बल क्लियर गर्दै थ्रीस्टारको संकट टारेका थिए।

सुनीलको क्रसमा बुद्धले ६९ औं मिनेटमा गरेको हेडरमा पनि गोल निस्किएन। निरन्तर मिहिनेत गरिरहेका उनी ८३ औं मिनेटमा भने सफल भए। यस अवसरमा उनले पेनाल्टी क्षेत्रनजिकबाट बललाई लोभलाग्दो गोलमा परिणत गर्दै थ्रीस्टारको अग्रता दोब्बर बनाएका थिए।

प्रिजेन तामाङको स्थानमा ८४ औं मिनेटमा मैदानमा प्रवेश गरेका विकास लामाले १० मिनेटको इन्ज्युरी समयको पहिाले मिनेटमा गोल गरेर अन्तर छोट्याएका थिए। उनले घम्साघम्सीवीचि किरन बोहराको प्रहारमा पाएको बललाई गोल लाइन पार गराएका थिए। तर, अन्त्यतिर दबाब दिएपनि फ्रेन्ड्सलाई खेलमा फर्कन ढिला भइसकेको थियो।

थ्रीस्टारका प्रशिक्षक मेघराज केसीले एकपछि अर्को गर्दै निरन्तर अवसर सिर्जना गर्नुलाई सकारात्मक पक्षको रुपमा लिएको बताए। ‘हामीले थुप्रै अवसर सिर्जना गर्‍यौं र त्यो टिमको उज्वल पक्ष हो,’ उनले भने। उनका समकक्षी रमेश महर्जनले प्रतिस्पर्धात्मक खेल भएरपनि अनुभवी खेलाडीको अभावमा पराजित हुनुपरेको बताए। ‘सबै खेलाडी ए डिभिजन लिगमा पहिलोपल्ट सहभागि भएका हुन्। र, सबै खेलाडी २० बर्षमुनिका छन्। उनीहरूले पहिलो खेलमा आत्मविश्वास गुमाउन पुगे,’ उनले भने। दसैं ब्रेकपछि टिममा बिदेशी खेलाडी थप्ने पनि उनले बताए।

शुक्रबारका खेल
हिमालयन शेर्पाविरुद्ध एपीएफ- ११ बजे
ब्रिगेड ब्वाइजविरुद्ध मनाङ- १५ बजे

प्रकाशित : आश्विन २५, २०७५ २१:५७
ADVERTISEMENT
प्रतिक्रिया
पठाउनुहोस्
ADVERTISEMENT

अमेरिकामा ८० वर्षयताकै बिनाशकारी आँधी, ‘माइकल’ का कारण लाखौं प्रभावित

रोयटर्स/बीबीसी

फ्लोरिडा — अमेरिकाको दक्षिण–पूर्वी क्षेत्रमा आएको बिनाशकारी आँधी बिहीबार साँझ साउथ क्यारोलिना पुगेको छ । अधिकारीले हालसम्म ३ जनाको मृत्यु भएको जनाएका छन् । माइकल नामक आँधीले फ्लोरिडा तथा नजिकका राज्यमा व्यापक क्षति पुर्‍याएको हो ।

अमेरिकी सञ्चारमाध्यमले आँधीका कारण तटीय क्षेत्रमा २ सय ६० किलोमिटर प्रतिघण्टाको बेगको हावाहुरी चलेको जनाएका छन् । विभिन्न स्थानमा तीव्र आँधीले सामुद्रिक छाल बढेकाले बाढीको चेतावनी दिइएको छ ।

अधिकारीहरूले माइकल नामको आँधी ‘क्याटगोरी ४’ अर्थात निकै शक्तिशालीको सूचीमा राखेका छन् । माइकल अमेरिकामा ८० वर्षयताकै शक्तिशाली आँधी भएको जनाइएको छ ।

आँधीले फ्लोरिडा राज्यको उत्तर–पश्चिमी क्षेत्र प्यानह्यान्डल सबैभन्दा बढी प्रभावित भएको छ । अधिकारीहरूका अनुसार ७ लाखभन्दा बढी घर तथा व्यावसायिक भवनमा विद्युत् आपूर्ति बन्द भएको जनाएका छन् । लाखांै मानिसलाई सुरक्षित स्थानतर्फ जान चेतावनी जारी गरिए पनि कतिपयले अटेर गरिरहेका छन् ।

अमेरिकाको राष्ट्रिय हरिकेन सेन्टरले फ्लोरिडाको पनामा सिटी बिच र केटन बिच तथा नर्थ क्यारोलिनाको ओक्राको इनलेट र डक क्षेत्रका मानिसलाई सुरक्षित स्थानमा जान चेतानवी दिइएको जनाएको छ । सेन्टरका अनुसार अलाबामा राज्यका केही स्थानमा समेत क्षति पुगेको छ ।

फ्लोरिडा राज्यका गभर्नर रिक स्कटले ‘अकल्पनीय विध्वंस’ भएको बताएका छन् । उनले हाल घरमै रहिरहेका मानिसलाई ‘ढिला भएको भन्दै अब भने बाहिर ननिस्कन’ आग्रह गरेका छन् ।

उनले स्कुल तथा राज्यका कार्यालय एक सातासम्म बन्द रहने घोषणा गरे । स्कटले फ्लोरिडाले ३ हजार ५ सय नेसनल गार्ड उद्धारका लागि परिचालन गरिएको जनाए ।

उनले फ्लोरिडा राज्यमा ‘आपतकाल’ घोषणा गरेका छन् । छेउछाउका एलाबामा तथा जोर्जिया राज्यले पनि त्यस्तै स्थितिको घोषणा गरेका छन् । सामाजिक सञ्जालमा बाढी तथा हुरीले विनाश गरेका घर, भवन तथा संरचनाका तस्बिर सार्वजनिक गरिएका छन् ।

संघीय प्रकोप व्यवस्थापन निकायका निर्देशक ब्रक लंकले राष्ट्रपतिलाई उनी खासगरी सन् २००१ भन्दा अगाडि निर्माण गरिएका भवनप्रति चिन्तित रहेको बताए । ती भवनहरूले ‘क्याटगोरी ३’ भन्दा शक्तिशाली आँधी थेग्न नसक्ने जनाइएको छ ।
राष्ट्रपति कार्यालय ह्वाइटहाउसले पनि ती संरचनाबारे चिन्ता व्यक्त गरेको छ । ‘हामी ती संरचनाले आँधी थेग्न सक्छन् भन्ने आशा गर्छौं,’ राष्ट्रपति डोनाल्ड ट्रम्पले भने ।

प्रकाशित : आश्विन २५, २०७५ २१:१५
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT