रत्नजितको विजयी सुरुआत

पुरुष सिंगल्समा रत्नजितले भारतका अंकुर साङपाङ राईलाई २१–११, २५–२३ को सेटमा पराजित गरेका छन् । दोस्रो चरणमा रत्नजितले मलेसियाका जुल्हेल्मी जुल्कीफ्लीसँग प्रतिस्पर्धा गर्नेछन् ।

पुरुष सिंगल्समै अर्का नेपाली दीपेश धामी भने पहिलो खेलमै पराजित भए । उनी इन्डोनेसियाका क्रिस्टियन एडिनाटासँग २१–१८, २१–१३ को सोझो सेटमा पराजित भएका थिए । पुरुष डबल्समा भने रत्नजित र दीपेशको जोडीले बाई पाएको छ ।

महिला डबल्समा पनि नङसलदेवी तामाङ र अमिता गिरीको जोडी मौरिससका खेलाडीले वाकओभर दिएपछि क्वाटरफाइनल पुगेको छ । मिक्स्ड डबल्सतर्फ दीपेश र अमिताको जोडीले पनि मौरिससका खेलाडीबाट वाकओभर पाएको छ ।