विश्वव्यापी स्मार्टफोन बजारै दोस्रो स्थान लिन सफल हुवावे

कान्तिपुर संवाददाता

काठमाडौँ — विश्वव्यापी स्मार्टफोनको बजारमा हुवावेले दोस्रो स्थान लिएको छ। आइडीसी, एसए, क्यानलिस तथा काउन्टर पोइन्टले हालै सार्वजनिक गरेको विश्वव्यापी चौमासिक बजार अनुगमन प्रतिवेदनमा हुवावे दोस्रो स्थानमा रहन सफल भएको हो ।

उच्चस्तर, सर्वोत्कृष्ट प्रविधि तथा आकर्षक डिजाइनका कारण हुवावे विश्वमा लोकप्रिय हुन सफल भएको हो ।

Yamaha

अनुसन्धान तथा विकासमा निरन्तर तथा व्यापक लगानी नै हुवावेको सफलताको कारण बताइएको छ । हुवावेले वार्षिक रुपमा १० प्रतिशतभन्दा धेरै कमाई अनुसन्धान तथा विकासमा लगानी गर्दै आएको छ। प्राविधिक कम्पनीहरूमा अनुसन्धान तथा विकासमा हुने लगानीका आधारमा हुवावे सन् २०१७ मा छेटौं स्थानमा परेको थियो।

हुवावे कम्पनीले मस्कोमा एलगरिदम केन्द्र, सानफ्रान्सिस तथा लण्डनमा यूएक्स डिजाइन केन्द्र, प्यारिसमा एस्थेटिक केन्द्र र जर्मनीमा फाइभ–जी विज्ञता केन्द्रहरू खोलेको छ ।

सन् २०१८ को पहिलो ६ महिनाको अवधिमा हुवावेको पी–२० प्रो स्मार्टफोनमा जडित विश्वकै पहिलो ट्रिपल क्यामराले इमेज क्वालिटी सम्बन्धी विश्वकै सबैभन्दा भरपर्दो कम्पनी डीएक्सओमार्कले गरेको समीक्षामा सबैभन्दा धेरै अंक पाएको थियो। साथै हुवावेले म्याट सीरिज डिजाइन संस्करणका लागि लक्जरी ब्रान्ड पोर्ससँग साझेदारी गरेको छ जसले अल्ट्रा हाई इन्ड मार्केटमा राम्रो प्रतिक्रिया लिन सघाउने विश्वास लिएको छ ।

Esewa Pasal

प्रकाशित : श्रावण २१, २०७५ १४:२६
ADVERTISEMENT
प्रतिक्रिया
पठाउनुहोस्
ADVERTISEMENT

बुढीगण्डकीमा डुबानमै नपर्ने जग्गाको ३ कराेड मुआब्जा वितरण

प्रहरी परिचालन र पत्राचार गरेर रकम असुल्दै मुआब्जा वितरण समिति
हरिराम उप्रेती

गोरखा — बुढीगण्डकी जलविद्युत आयोजनाको डुबानमै नपर्ने ३५ रोपनी जग्गाको मुआब्जा रकम वितरण गरेको  खुलेको छ । मुअाब्जा वितरण समितिले २१ जनाको खातामा झण्डै तीन करोड निकासा दिएकाे खुलेकाे हो । 

घ्याल्चोक, भुम्लीचोक, दर्वुङमा मुआब्जा वितरणमा त्रुटि नभेटिए पनि बुङ्गकोट नाम्जुङ र फुजेलमा मुआब्जा वितरणमा निकै लापरवाही भएको पाइएको हो। आयोजनाको वातावरण, मुआब्जा वितरण, पुनर्वास, तथा पुस्थापना इकाइ, प्रमुख जिल्ला अधिकारी नेतृत्वको जिल्ला मुआब्जा वितरण समिति र नापी कार्यालको लापरवाहीकै कारण रकम वितरण भएको छ।

अहिले मुआब्जा वितरण समितिले डुबानमा नपर्ने जग्गाधनीलाई निकासा भएको रकम फिर्ताका लागि अनेक प्रयास गरिरहेका छन्। केहीलाई प्रहरी परिचालन गरेर रकम फिर्ता गर्न भनेको छ भने केहीलाई पत्राचार गरेको छ। ‘हामीलाई हाम्रो जग्गाको पैंसा आउँछ भनेर थाहा पनि थिएन,’ सहिद लखन गाउँपालिका–८ वुङ्गकोटकी एक पीडितले भनिन्, ‘वडा अध्यक्षले बोलाएर तिमीहरुको नाम निक्लिएको छ आउ भन्नुभयो, सिउरेनटारको कार्यालयमा गएर फाराम बुझायौ अनि प्रभु बैंकबाट रकम झिक्यौ।’

डुबानमा नपर्ने जग्गाको मुआब्जा गएको थाहा पाएपछि प्रमुख जिल्ला अधिकारी नारायण भट्टराइले प्रहरी परिचालन गरेर साउन ९ गते एक जनालाई पक्राउगरेर भाेलिपल्ट छाडेका थिए।आफुहरुको नाम निक्लिएर पैसा झिकेपछि अहिले मुआब्जा वितरण समितिले दुख दिएको उनीहरुको गुनासो छ।

आइतबारसम्म पाँच जनाले रकम फिर्ता गरिसकेको प्रमुख जिल्ला अधिकारी नारायण भट्टराइले बताए। ‘१०–११ जनाको प्रक्रियामा छ, केहीले फिर्ता गरे,’ उनले भने। गोरखापत्रमा सूचना प्रकाशित गर्दा देखि नै त्रुटि भएको पाइएको भट्टराइले बताए।

नापीनक्साकै कारण नपाउनेको खातामा पनि मुआब्जा रकम निकासा भएको पाइएको आयोजनाको वातावरण, मुआब्जा वितरण, पुनर्वास, तथा पुस्थापना इकाइका प्रमुख कृष्ण कार्कीले बताए। ‘उनीहरुको पनि गल्ती छैन, निवदेन हामीले नै मागेका हौं, नाम निक्लिएको पनि छ,’ उनले भने।
नापी नक्सामा उक्त जग्गा बुढीगण्डकी डुबानमै परेको देखिएको उनले बताए। ‘नापीनक्साले डुबान क्षेत्रमा देखाउने तर ब्यवहारिक हिसाबले हेर्दा त्यो डुब्ने भन्दा बाहिर छ,’ उनले भने। आगामी सोमबार सम्म २१ जनाकै पैसा फिर्ता हुने उनको भनाइ छ। मुआब्जा वितरण समितिले शुक्रबारसम्म पैसा फिर्ता गर्न उनीहरुलाई अल्टिमेटम दिएको छ।

१२ सय मेगावाटको उक्त आयोजनाको जलाशय क्षेत्रफल ६३ वर्ग किलोमिटर छ। आयोजनाका कारण धादिङ र गोरखातर्फका ३ हजार पाँच सय ६० परिवार पूर्णरुपमा विस्थापित हुनेछन् भने ८ हजार एक सय ५३ परिवार प्रभावित हुनेछन्। आयोजनाका कारण धादिङको साविकका १३ र गोरखाको १४ गाविसका स्थानीय प्रत्यक्ष प्रभावित हुनेछन्। आयोजनाका कारण डुबानमा पर्ने धादिङ र गोरखातर्फका पीडितलाई हालसम्म १५ अर्ब रुपैंया मुआब्जा वितरण भइसकेको छ। जग्गासहित घर गोठ फलफूलको मुआब्जा वितरण तथा पुनर्स्थापनकाका लागि ६० अर्ब लाग्ने अनुमान गरिएको छ।

प्रकाशित : श्रावण २१, २०७५ १३:३९
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT