गेटबक्सले ल्यायो भर्च्यूअल केटी साथी

दिनेश यादव

काठमाडौँ — धेरै श्रीमान्‌हरु चाहन्छन् कि कार्यालयबाट घर फर्कदा श्रीमतीले मुस्कानसहित स्वागत गरोस् । आफ्नो मनको बह बुझिदिओस्, सुनिदियोस् । व्यस्त जीवनशैलीका कारण धेरैको त्यो चाहना पुरा नभएको हुन सक्छ । 


एक जापानी कम्पनीले त्यस्ता श्रीमान्‌हरुका लागि ‘भर्च्यूअल’ केटी साथी ल्याएको छ। ‘गेटबक्स इन्क’को भगिनी कम्पनी ‘लाइन’ ले बनाएको ‘भर्च्यूअल होम रोबोट’ले एउटी असल श्रीमतीको जस्तो तपाईसँग व्यवहार गर्न सक्छ।तपाई घरमा पुग्दा मुस्कुराउँदै स्वागत गर्ने अनि तपाईसँग मिठोमिठो कुराकानी गर्न यो रोबोटले गर्छ।

Yamaha


हिकारी अजुमा नाम दिएको यो ‘भर्च्यूअल गर्लफ्रेन्ड’ तत्काल जापानीहरुका लागि मात्र उपलब्ध गराइएको छ। एक्लो जीवन व्यतित गरिरहेकाहरुका लागि यो वरदान सावित हुने कम्पनीको दाबी छ। तपाईले यसका लागि अग्रिम बुकिङ गर्न सक्नु हुनेछ।

कम्पनीका अनुसार सम्भवत: यसै वर्षको अक्टोबरसम्ममा यो केटीसाथी आफ्नो घरमा खरिद गरेर राख्न सकिनेछ। रकमको अभाव भए कम्पनीले भाडामा समेत उपलब्ध गराउने जनाएको छ।यो ‘होलोग्राफिक एआई’ श्रीमतीको मूल्य १३ सय डलर तोकिएको छ। यसलाई कसैले भाडामा प्रयोग गर्न चाहेमा त्यसका लागि कम्पनीले प्रतिमहिना १४ डलर निर्धारण गरेको छ।

बजारमा उपलब्ध यौन खेलौनाहरुले पुरुषको यौन चाहना पुरा गरेपनि मनका कुरो बुझ्ने र सुन्ने साथीको भूमिका चाही निर्वाह गर्न सकेको थिएन। यो रोबोटले पुरुषको त्यो चाहना पुरा गरिदिन्छ। धित मरुञ्जेल गफिन यसले सहयोग गर्छ।

२० इन्च अग्लो बेलनाकार टबमा राखिएको यो रोबटले आफ्नो मालिकको सेवा गर्न कुनै कसर बाकी राख्दैन। एपबाट सञ्चालित हुने यो रोबोटले आफ्नो मालिकको अनुहार र गतिविधिलाई सजिलै चिन्न सक्छ। मालिक घरमा आएपछि हाँसेर स्वागत गर्न सँधै तत्पर हुनेयो रोबोटसँग निश्चित दूरीमा रही मनखोलेर भलाकुसारी गर्न सकिन्छ।

यसको गेटबक्स युनिटको माथि दुई वटा माइक्रोफोन जडान गरिएको छ, जसले मालिकको सीमित रन–मोडेलमा जति सम्भव हुन्छ, त्यहाँबाट कुराकानी गर्न सकिन्छ। यसमा क्यामेरा र गति डिटेक्टर पनि जडान गरिएको छ, जसले आफ्नो मालिकलाई सजिलै चिन्न सक्छ। यसमा वायरलेस ल्यान, ब्लुटुथ(आर) र इन्फ्रारेड सेन्सर पनि जडान गरिएको छ।

रोबोटमा जडित ट्रयाकिङ सेन्सरले मालिकलाई पछ्याउन सहयोग गर्छ। बेलनाकार प्रोजेक्टरभित्रै रहेर यसले इन्टरनेटबाट मौसम, सामाचार र अन्य जानकारी पनि मालिकलाई दिन सक्ने कम्पनीले जनाएको छ। यो कोठामा अन्य इलेक्ट्रोनिक उपकरणहरुका लागि रिमोट कन्ट्रोलका रुपमा काम गर्न समेत सक्षम रहेको दाबी कम्पनीको छ।

घरमा एक पटक अजुमालाई भित्र्याएपछि रिमोटबाट चल्ने सबै काम तपाईको निर्देशनमा गर्नेछ। बेलनाकार टबमै बसर अजुमाले तपाईको सबै निर्देशनहरुको पालना गर्छे।

गेटबक्सले होलोग्राफिक गर्ल्सले श्रीमतीको स्थान दिन सक्ने आशा व्यक्त गरेको छ। बेलनाकार प्रोजेक्टरभित्र उभिएर तपाईको सबै हाउभाव बुझ्नेगरी यो रोबोटको विकास गरिएको हो। कम्पनीले दुई वर्षअघि पनि यस्तै उपकरण बजारमा ल्याउने प्रयास गरेको थियो।

टोकियोमा प्रधान कार्यालय रहेको कम्पनीले एक्लै बसिरहेका पुरुषलाई लक्षित गरी यो ल्याइएको प्रतिक्रिया दिएको छ। यसलाई थप सजिव बनाउने प्रयासमा कम्पनी लागि परेको छ।

एजेन्सीको सहयोगमा

Esewa Pasal

प्रकाशित : भाद्र १०, २०७५ १३:५४
ADVERTISEMENT
ADVERTISEMENT
प्रतिक्रिया
पठाउनुहोस्

चालकको लापरबाहीबाट ९० प्रतिशत बढी दुर्घटना

रासस/याेन्हाप

काठमाडौँ — काठमाडौं उपत्यकामा चालकको लापरबाहीका कारण बढी दुर्घटना हुने गरेको छ । 

महानगरीय ट्राफिक प्रहरी महाशाखा रामशाहपथले दिएको जानकारी अनुसार कूल दुर्घटनाको ९० प्रतिशत भन्दा धेरै चालकको लापरबाहीले हुने गरेको हो । आर्थिक वर्ष २०७४/७५ मा भएको ६ हजार ३ सय ८१ दुर्घटनामध्ये चालकको लापरबाहीले मात्र ५ हजार ९ सय ६१ दुर्घटना भएको छ ।
यस्तै तीव्र गतिका कारण ७१, मादक पदार्थ सेवनले २ सय २१, यान्त्रिक गडबडी ४४, उछिन्दा (ओभरटेक) २९, पैदलयात्रुको लापरबाहीले तीन र सडकको अवस्थाका कारण ४८ दुर्घटना भएका छन् । दुर्घटनामा परी २ सय १९ गम्भीर र चार हजार ३ सय ३३ सामान्य घाइते भएका छन् ।

महाशाखाका प्रमुख एवं प्रहरी वरिष्ठ उपरीक्षक वसन्तकुमार पन्तले उपत्यकामा सवारी सङ्ख्या धेरै र चालकले जथाभावी चलाउँदा धेरै दुर्घटना हुने गरेको जानकारी दिए । 'बाटो साँघूरो, तीव्र गति र जथाभावी चलाउँदा धेरै सडक दुर्घटना हुने गरेको छ,' उनले भने ।

बाग्मती अञ्चलमा दर्ता भएका ११ लाख सवारी साधनमध्ये उपत्यकामा मात्र झण्डै आठ लाख सवारी साधन ओहोरदोहोर गर्ने गर्छन् । आव २०७४/७५ मा मात्र सवारी दुर्घटनाका कारण १ सय ९४ जनाको मृत्यु भएको थियो ।

दुर्घटना भएका सवारी साधनमध्ये दुईपाङ्ग्रे सवारी साधन धेरै छन् । आव २०७४/७५ मा दुर्घटनामा मरेका १ सय ९४ मध्ये १ सय ४७ पुरुष र ४७ महिला छन् । कूल मृत्युमध्ये मोटरसाइकल र स्कुटर दुर्घटनामा मात्र १ सय ११ जनाको मृत्यु भएको छ ।

प्रकाशित : भाद्र १०, २०७५ १२:५०
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT