बन्दुकधारीले पत्रिकाको कार्यालयमा आक्रमण गर्दा ५ को मृत्यु

बीबीसी

अमेरिका — अमेरिकाको मेरिल्याण्ड राज्यबाट प्रकाशित हुने दैनिक पत्रिका क्यापिटल ग्याजेटको कार्यालयमा बन्दुकधारीले आक्रमण गर्दा ५ जनाको मृत्यु भएको प्रहरीले बताएको छ । अन्य केही घाइते भएका छन् ।

संदिग्ध आक्रमणकारी जारोड रामोस नामक एक श्वेत पुरुष रहेको र उनलाई प्रहरीले नियन्त्रणमा लिएको छ । रामोसले २०१२ उक्त अखबारमाथि अपहेलना गरेको दाबि गर्दै क्षतिपूर्ति माग गरेर मुद्दा हालेको जानकारी प्रहरीले दिएको छ ।

क्यापिटल ग्याजेट अखबारका एकजना संवाददाताले बन्धुकधारीले अखबारको कार्यालयको सिसाको ढोकाबाट गोली चलाएको भन्दै ट्वीट गरेका छन्।

एनापोलिस स्थित क्यापिटल ग्याजेटको भवनभित्र रहेका कर्मचारीहरूले बन्धुकधारीले सिसाको ढोका बाहिरबाट समाचार कक्षमा गोली चलाएको जानकारी दिएका छन्। हालै समाजिक सञ्जालमार्फत उक्त अखबारलाई हिंसात्मक आक्रमण गर्ने धम्की दिइएको थियो।

प्रहरीले योजनाबद्ध रूपमा आक्रमण गरिएको उल्लेख गरेको छ।आक्रमणकारीले बोकेको झोलाबाट नक्कली ग्रिनेड समेत फेला परेको बताइएको छ। प्रहरीले उनले ठूलो आकारको बन्दुकको प्रयोग गरेको जनाएका छन् ।

प्रकाशित : असार १५, २०७५ १०:२७
प्रतिक्रिया
पठाउनुहोस्
ADVERTISEMENT

इन्स्टाग्राममा आईजीटीभी

हेलो टेक
कान्तिपुर संवाददाता

काठमाडौँ — इन्स्टाग्रामले यो साता नयाँ फिचर सुरु गरेको छ । प्रयोगकर्ताका लागि लामो भिडियो राख्न र हेर्न मिल्ने सुविधालाई उसले आईजीटीभी नाम दिएको छ । इन्स्टाग्राममा लोकप्रिय रहेको छोटा–छोटा भिडियोभन्दा फरक यसमा लामा भिडियोहरू हेर्न सकिन्छ । इन्स्टाग्राम एपको पछिल्लो अपडेटमा प्रयोगकर्ताले यो फिचर भेट्न सक्छन् ।

यसले हरेक प्रयोगकर्तालाई आफ्ना च्यानल बनाउने र लामो भिडियो अपलोड गर्ने सुविधा दिन्छ । साथै, अरूले अपलोड गरेका लामा भिडियो हेर्न पनि सकिन्छ । यसमा भर्टिकल भिडियो मात्रै अपलोड गर्न मिल्छ ।


मोबाइलमा लामो भिडियो हेर्न सजिलो होस् भन्नका लागि यसो गरिएको इन्स्टाग्रामले जनाएको छ । प्रयोगकर्ताले च्यानल बनाउन मिल्ने, अरूले च्यानल बनाएर राखेको भिडियो हेर्न मिल्ने भएकाले भविष्यमा यसले लोकप्रिय भिडियो सेयरिङ साइट इन्स्टाग्रामसँग प्रतिस्पर्धा गर्ने विश्लेषकहरूको अनुमान छ ।

प्रकाशित : असार १५, २०७५ १०:२३
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT