ईयूको नागरिकता लिने बेलायती बढे

बीबीसीले सार्वजनिक गरेको तथ्यांकअनुसार सन् २०१७ मा १२ हजार ९ सय ९४ बेलायती नागरिकले युरोपेली संघ आबद्ध अन्य राष्ट्रको नागरिकता लिएका हुन् । यसअघि सन् २०१६ मा ५ हजार २५ तथा २०१५ मा १ हजार ८ सय बेलायतीले अन्य देशको नागरिकता लिएका थिए ।

ब्रेक्जिट जनमतसंग्रहपछि जर्मनीको नागरिकता लिने बेलायती ७ हजार ४ सय ९३ छन् । सन् २०१५ मा भने मात्र ५ सय ९४ बेलायतीले जर्मनीको नागरिकता लिएका थिए । त्यसैगरी फ्रान्स, बेल्जियम, स्विडेनलगायत देशको नागरिकता लिने बेलयातीको संख्यामा समेत उल्लेख्य वृद्धि भएको छ । यसअघि ३ सय २० बेलयातीले नागरिकता लिएकामा यस वर्ष १ हजार ५ सय १८ ले लिएको बीबीसीले जनाएको छ ।