रुसमा हेलिकोप्टर दुर्घटना, १८ को मृत्यु
मस्को — रुसको क्रास्नोयारस्कले क्षेत्रमा भएको हेलिकोप्टर दुर्घटनामा परी १८ जनाको मृत्यु भएको छ । क्षेत्रीय आपतकालीन सेवा अधिकारीहरुले विमानमा १८ जना नै रहेका र ती सवै जनाको मृत्यु भएको शनिबार जानकारी दिएका हुन् ।
स्थानीय समयानुसार शनिबार विहान १० बजेर २० मिनेटमा सो हेलिकोप्टर दुर्घटनामा परेको अधिकारीहरुले बताएका छन् ।
प्रारम्भिक विवरणहरुका अनुसार प्राविधिक गढबढी र चालकका कारण हेलिकोप्टर दुर्घटना भएको बताइएको छ ।
हेलिकोप्टर उडेर दुई किलोमिटर दुरीपार गरेपछि दुर्घटनामा परेको थियो । विमानमा रहेका र दुर्घटनामा परी मृत्यु भएका मध्ये १५ जना यात्रु र अरु तीन जना चालक दलका सदस्य रहेका थिए ।
प्रकाशित : श्रावण १९, २०७५ १४:१३प्रतिक्रिया
