अस्ट्रेलियामा अर्को ठूलो बैंकलाई ३ अर्ब जरिवाना

नारायण खड्का

अस्ट्रेलिया — यहाँको बैंक वेस्ट प्याकलाई नियमन निकाय अस्ट्रेलियन सेक्युरिटीज एण्ड इन्भेस्टमेन्ट कमिसन (एसिक) ले ३५ मिलियन डलर (करिब २ अर्ब ८० करोड रुपैयाँ) जरिवाना तोकेको छ । उक्त बैंक अस्ट्रेलियाको ठूलोमध्येमा पर्छ ।

ग्राहकहरुलाई घरको लागि ऋण प्रवाह गर्ने विषयमा पर्याप्त सावधानी नअपनाएको भन्दै बैंकलाई उक्त रकम जरिवाना तिराइएको हो । अस्ट्रेलियाका प्राय: सबै ठूला बैंकिङ तथा आर्थिक कारोबार गर्ने संस्थाहरु केही समय पहिलेदखि विभिन्न विषयमा अनुसन्धानको क्रममा रहेका छन् । यस पहिले उक्त निकायले अस्ट्रेलियाको सबैभन्दा ठूलो बैंक कमनवेल्थलाई ७ सय मिलियन डलर (करिब ५६ अर्ब रुपैयाँ) जरिवाना तिराइसकेको छ । जुन अस्ट्रेलियाको व्‍यावसायिक क्षेत्रकै सबैभन्दा ठूलो आर्थिक सजाय भएको बताइएको छ ।

Yamaha


वेस्टप्याक बैंकले ग्राहकहरुको आर्थिक हैसियत राम्रो नभएको जान्दाजान्दै ऋण प्रवाह गरेको, ऋण दिँदा सरकारी मापदण्ड मिचेको आरोपमा अनुसन्धान गरेको थियो । एक वर्षभन्दा अघिदेखि गरिएको अनुसन्धानपछि एसिकले उक्त बैंकसँग मंगलबार उक्त रकम बराबरको जरिवाना तिराएको हो । अस्ट्रेलिया सरकारले स्थानीय ग्राहकहरुले बैंकबाट लिने विभिन्न किसिमका सेवाहरुको बारेमा जनगुनासो बढेपछि रोयल कमिसनको स्थापना गरेको थियो । यहाँको सबैभन्दा उच्च अनुसन्धान निकायका रुपमा स्थापना गरिने यस निकायले बैंकिङ क्षेत्रका विभिन्न सेवाका बारेमा अनुसन्धान सुरु गरेको थियो । यसले अनुसन्धान सकेपछि सरकारलाई सुधारका लागि सुझावहरु दिने गर्दछ ।

सिड्नी युनिभर्सिटीबाट फाइनान्समा विद्यावारिधी गरेका डा. किरण थापा अस्ट्रेलियाले सेवाप्रदायकहरुको अधिकारलाई उच्च प्राथमिकता दिने भएकाले पनि सर्वसाधारण ग्राहकको उजुरीका आधारमा अनुसन्धानको स्थापना गरिएको बताउँछन् । यहाँको बैकिङ क्षेत्र र सुविधा विश्वको उच्चस्तरको र उदाहरणीय भए पनि सरकारले तोकेको नियम पालना नगरिएको खण्डमा सानो गल्तीलाई पनि कानुनी दायरामा ल्याइने गरिएको उनी सुनाउँछन् । ‘यहाँको तुलनामा हाम्रो नेपालको सरकारी निकाय भने बैंकको अवस्था नाजुक भएपछि उद्धार गर्न जाने किसिमको छ ।’

बैकिङ क्षेत्र सुधार्न भन्दै स्थापना गरिएको उक्त कमिसनले यहाँका चारवटै ठूला बैंकहरु कमनवेल्थ, एएनजेड, न्याब, वेस्टप्याकलाई अनुसन्धानको दायरमा ल्याइसकेको छ ।

प्रकाशित : भाद्र १९, २०७५ १२:५६
प्रतिक्रिया
पठाउनुहोस्
ADVERTISEMENT

सर्वाेच्चको आदेशप्रति अस्ट्रेलियाका नेपाली खुसी

नारायण खड्का

अष्ट्रेलिया — सर्वाेच्च अदालतले विदेशमा रहेका नेपालीलाई पनि मतदानको व्यवस्था मिलाउन दिएको आदेशप्रति अस्ट्रेलियाका नेपालीले खुसी व्यक्त गरेका छन् । प्रवासी नेपालीहरूको संगठन एनआरएनएले उक्त आदेशको स्वागत गरेको छ । 

सर्वाेच्चले आइतबार सरकारका नाममा जारी गरेको आदेशले विदेशमा रहेका नेपालीलाई आफ्नो देशसँग प्रत्यक्ष जोड्ने उनीहरूको प्रतिक्रिया छ । मतदान गर्न पाउँदा आफूले देशको नीतिनिर्माण र विकास योजना निर्माण गर्ने प्रतिनिधि छान्न पाउने भएकाले समेत देशप्रति अझ जिम्मेवार बन्ने उनीहरूको भनाइ छ । एनआरएन अस्ट्रेलियाका प्रवक्ता डिला खरेल तथा महासचिव नारायण कोइरालाले अदालतको निर्णयले विदेशमा रहेका नेपालीमा देशप्रति अपनत्वको भावना विकास गर्ने बताए ।

अस्ट्रेलियामा अहिले ३० हजार बढी विद्यार्थी अध्ययनरत छन् भने सोही हाराहारीमा नेपाली राहदानी भएका नेपाली बसोबास गरिरहेका छन् । अस्ट्रेलियालगायत मुलकहरूले विदेशमा रहेका आफ्ना नागरिकलाई चुनावका समयमा विदेशबाटै मतदान गर्ने व्यवस्था मिलाइरहेको भए पनि नेपालले भने ढिलै भए पनि यसतर्फ कदम चालेकामा उनीहरूले खुसी व्यक्त गरेका छन् । ‘यो राजनीतिक दलसँगको सक्रियताका रूपमा मात्र बुझ्नुभन्दा पनि जहाँ बसे पनि आफ्नो जनप्रतिनिधि आफंैले छान्न पाउने अवसर हो,’ एनआरएन अस्ट्रेलियाका पूर्वअध्यक्ष सुरेन्द्र सिग्देलले भने ।

अस्ट्रेलियाको सत्तारूढ दल लिबरलको नेपाली शाखाका प्रमुख श्री नापित सर्वाेच्चले आदेश दिए पनि यसले कानुनी रूप लिनुपर्ने भएकाले देखिएजति सहज नहुने दाबी गर्छन् । सर्वाेच्चले आदेश दिए पनि नेपालबाहिर सबै देशमा रहेका नेपालीलाई मतदानको अधिकार नदिने कानुन बन्न सक्ने उनी बताउँछन् । विदेशमा रहेका नेपालीलाई मतदान अधिकार दिँदा यसले सकारात्मक मात्र नभएर नकारात्मक राजनीतिक संस्कारको समेत विकास हुन सक्ने उनको तर्क छ ।


प्रकाशित : भाद्र १८, २०७५ २०:५९
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT