उत्तर कोरियाको ७०औं वार्षिकोत्सव, परेडमा क्षेप्यास्त्र देखाइएन

रासस/एएफपी

प्योङयाङ — उत्तर कोरिया स्थापनाको ७०औं वार्षिकोत्सव समारोहमा आइतबार राजधानी प्योङयाङमा आयोजित परेडमा अन्तर्राष्ट्रिय प्रतिबन्धको मुख्य तारो मानिएका अन्तरमहादेशीय ब्यालेस्टिक क्षेप्यास्त्र बेगर नै सैनिक ट्यान्क र तोपसहित हजारौं सैनिकले मार्चपास गरेका छन् ।

उत्तर कोरियाली नेता किम जोङ उनले चीनसँगको मित्रता बलियो रहेको जनाउन चिनियाँ राष्ट्रपतिका कूटनीतिक प्रतिनिधिलेसमेत नेता कीमसँगै मार्चपास गर्ने सैनिकले चढाएको सलामी ग्रहण गरेका थिए।

Yamaha

दोस्रो विश्वयुद्ध समाप्त हुनै लाग्दा कोरियाली द्वीपलाई विभाजन गरी ७० वर्षअघि रुस र अमेरिकाले सेप्टेम्बर ९, १९४८ मा प्रजातान्त्रिक जनगणतन्त्र कोरिया (उत्तर कोरिया) स्थापना भएको घोषणा गरेका थिए।

एक्काइस तोपको सलामी पश्चात् किम इल सुङ स्क्वाएर छिचोल्दै दर्जनौँ सैनिक टुकडीले मार्चपास गरेको थियो। सैनिकहरुमध्ये केहीले नाइट-भिजन चश्मा लगाएका थिए भने केहीले रकेटयुक्त ग्रिनेड लन्चर बोकेका थिए। यी आधुनिक हतियार सहितको मार्चपासलाई नेता किमसहितका विशिष्ट व्यक्तिले रोष्ट्रमबाट अवलोकन गरेका थिए।

नेता किमसँगै चिनियाँ प्रतिनिधि एवं चिनीया कम्युनिष्ट पार्टीका पोलिटब्यूरो स्थायी समितिका सदस्य ली झाङ्सु रहेका थिए। उनीहरु दुबैबीच समयसमयमा कुराकानी भएको देखिन्थ्यो।

मार्चपासमा सैनिक बाहन, रकेट लन्चर्स र ट्याङ्कहरुको लाइन अघि बढेको थियो। आकाशमा सैनिक विमानले आतिसबाजी देखाएका थिए। अन्त्यमा, क्षेप्यास्त्रहरु देखाइएको थियो। त्यहाँ जहाज विध्वंसक क्रुज क्षेप्यास्त्र जडित कुम्सोङ–३ र जमिनबाट हावामा मार हान्ने पोन्गे–५ देखाइएको थियो।

तर मार्चपासमा गत वर्ष पहिलोपटक परीक्षण गरिएका संयुक्तराज्य अमेरिकासम्म मार हान्न सक्ने ह्वासोङ–१४ र १४ क्षेप्यास्त्र प्रदर्शन गरिएन।

'उत्तर कोरियाले सैनिक क्षमतालाई नियन्त्रणमा राख्न चाहेको देखिन्छ। उत्तर कोरियाले आणविक निःशस्त्रीकरणमा देखाएको प्रतिबद्धता स्वागतयोग्य छ र यसलाई सबैले प्रोत्साहित गर्नु पर्दछ,' कोरिया जोखिम समूहका व्यवस्थापन निर्देशक चाड ओक्यारोलले भने।

सैनिक मार्चपास सकिएलगत्तै हजारौँ नागरिकले कोरिया एकीकरणको आग्रह गरिएका प्लेकार्डसहित रंगीबिरङ्गी पहिरनमा प्रस्तुतिकरण गरेका थिए।

अप्रिलमा किमले उत्तर कोरियाको आणविक विकासको काम समाप्त भएको घोषणा गरेका थिए। उनले समाजवादी आर्थिक विकासमा ध्यान दिइने जानकारी पनि दिएका थिए।

Esewa Pasal

प्रकाशित : भाद्र २४, २०७५ १४:४०
प्रतिक्रिया
पठाउनुहोस्
ADVERTISEMENT

बेगनास तालमा बेपत्ता ६ जनाकै शव भेटियो

लालप्रसाद शर्मा

पोखरा — बेगनास तालमा शनिबार डुंगा डुबेर बेपत्ता भएका ६ जनाकै शव आइतबार दिउँसो फेला परेको छ । घटनास्थलनजिकै उनीहरुको शव भेटिएको प्रहरीले जनाएको छ । 

आफन्तकोमा तीजको दर खाने कार्यक्रममा सहभागी हुन जाने क्रममा १० जना सवार डुंगा डुबेको थियो। डुंगा डुबेपछि शनिबारै उपचारका क्रममा दुईको मृत्यु भएको थियो।

डुंगा डुब्दा नवलपुर गैडाकोटका ३२ वर्षीय रवि खनाल, उनका ८ र ७ वर्षका छोराहरु शंकर र शिव, तनहुँको भीमाद–४ का ४ वर्षीय रन्जित गैरे, पोखरा– ३१ बेगनासका ५ वर्षका प्राचीन पौडेल र पोखरा नयाँ बसपार्ककी १८ वर्षीया मनिसा बजगाई बेपत्ता थिए। अाइतबार दिउँसाे उनीहरुकाे शव फेला परेकाे हाे।

भीमादकी २८ वर्षीया जमुना गैरे र पोखरा नयाँ बसपार्ककी ५० वर्षकी कृष्णकुमारी बजगाईको उपचारका क्रममा शनिबार नै अस्पतालमा मृत्यु भएको थियो।

कान्तिपुर पब्लिकेसन्सको पोखरा कार्यालयकाे वितरण शाखामा कार्यरत कमलराज कँडेलले शनिबार बिदाको दिन पारेर घरमा दर खाने कार्यक्रम राखेका थिए। कार्यक्रममा सहभागी हुन आफन्तजन भेला भएका थिए। डुंगा डुबेको घटना देखेपछि बेहोस भएका कमलराजको चरक मेमोरियल अस्पतालमा आइसियुमा उपचार भइरहेको छ।

कास्की प्रहरी प्रमुख एसपी ओमबहादुर रानाका अनुसार स्थानीय जलारी समुदाय, प्रहरी, सशस्त्र प्रहरी, नेपाली सेना, सर्वसाधारण र बेपत्ताका आफन्तजनले खोजी गर्ने क्रममा उनीहरुको शव भेटिएको हो। ‘जलारीहरुको भूमिका उल्लेख्य रह्यो,’ उनले भने, ‘सबै शव पोखरा स्वास्थ्य विज्ञान प्रतिष्ठानको क्षेत्रीय अस्पतालमा पुर्‍याइएको छ।’

प्रकाशित : भाद्र २४, २०७५ १४:३०
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT