अमेरिकालाई चीनको चेतावनी

रोयटर्स

बेइजिङ — चीनले अमेरिका निर्यात हुने आफ्नो देशका सामानमा वासिङ्टनले थप कर लगाए आफूले पनि जावाफी कदम चाल्ने चेतावनी दिएको छ ।

शनिबार अमेरिकी राष्ट्रपति डोनाल्ड ट्रम्पले चिनियाँ सामानविरुद्ध थप कर लगाउने बताएपछि चीनले चेतावनी दिएको हो ।


चिनियाँ विदेशमन्त्रालयका प्रवक्ता गेंग सुआङले भने, ‘अमेरिकाले एकपक्षीय रूपमा चिनियाँ सामानमा थप कर लगाउने निर्णय गरे त्यसको उस्तै जवाफ दिन अधिकार हामीसँग सुरक्षित छ ।’ यद्यपि, उनले थप विवरण भने उल्लेख गरेनन् ।

Yamaha


यसअघि अमेरिकी राष्ट्रपति डोनाल्ड ट्रम्पले चिनियाँ सामानमा २५ प्रतिशत कर लगाउने निर्णय गरेपछि आलोचना चीन आक्रोशित भएको हो ।

Esewa Pasal

प्रकाशित : भाद्र २६, २०७५ ०८:४१
प्रतिक्रिया
पठाउनुहोस्
ADVERTISEMENT

इजिप्टमा ७०० लाई सजाय

कायरोमा सन् २०१३ मा भएको मुस्लिम ब्रदरहुड आन्दोलनमा संलग्न ७५ लाई मृत्युदण्ड, ४७ जनालाई आजीवन कारावास
रोयटर्स

कायरो — इजिप्टमा सन् २०१३ मा भएको मुस्लिम ब्रदरहुड आन्दोलनका क्रममा भएका हिंसामा जिम्मेवार ठहर गर्दै ७ सय भन्दा बढी मानिसलाई सजाय सुनाइएको छ । सजाय सुनाइएकामध्ये कपितय प्रभावशाली मुस्लिम नेताहरू छन् ।

इजिप्टका राष्ट्रपति मोहम्मद मोर्सीलाई तात्कालीन सेनाप्रमुख तथा वर्तमान राष्ट्रपति अब्देल फताह अल–सिसीले सत्ताच्यूत गरेपछि भएको आन्दोलनमा सेना तथा प्रहरीले मोर्सी समर्थित सयौं प्रदर्शनकारीलाई गोली हानी तितरबितर पारेको थियो ।

आन्दोलनका क्रममा फैलिएको हिंसामा दोषी ठहर गर्दै अदालतले ७५ जनालाई मृत्युदण्डको फैसला सुनाएको छ । त्यसैगरी, ४७ जनालाई आजीवन कारावास तथा ६ सयभन्दा बढीलाई जेल सजाए सुनाइएको अन्तर्राष्ट्रिय सञ्चारमाध्यमले जनाएका छन् ।

मुस्लिम ब्रदरहुडका आध्यात्मिक नेता मोहम्द बादी तथा अन्य दर्जनौं नेतालाई आजीवान कारावासको सजाय दिइएको छ । अन्य व्यक्तिहरूलाई कम्तीमा ५ देखि १५ वर्षसम्मको जेल सजाय तोकिएको छ ।

सन् २०१३ मा इजिप्टको राजधानी कायरोस्थित रबा अल–अदाविया स्क्वायरमा भएको हिंसामा सयौं मानिसको ज्यान गएको थियो । मृतकमध्मे कतिपयलाई सुरक्षाकर्मीको गोली लागेको थियो । यसै वर्षको सुरुमा इजिप्टको संसद्ले उक्त आन्दोनका क्रममा खटिएका तथा सन् २०१३ देखि २०१६ सम्म गरेका अपराधका लागि सैनिक अधिकारीलाई माफी दिने निर्णय गरेको थियो ।

शनिबारको आम सुनुवाइका क्रममा सजाय दिइएकामाथि हत्या, हिंसा बढाउन उक्साएको तथा गैरकानुनी प्रदर्शन गरेकोमा दोषी ठहर गरिएको हो । मानवअधिकारवादी संस्थाद्वारा भत्र्सना मानव अधिकारवादी संस्थाहरूले आन्दोलनकारीमाथि गरिएको फैसलाको विरोध गरेका छन् । बीबीसीका अनुसार एम्नेस्टी इनटरनेसनलले अदालतको निर्णयको भत्र्सना गर्दै ‘निकै अन्यायपूर्ण’ सुनुवाइ भएको जनाएको छ ।

मानव अधिकार वाचले आन्दोलनका क्रममा ८ सय १७ जनाको सुरक्षाकर्मीको गोली लागि मृत्यु भएको दाबी गर्दै उक्त कदम मानवता विरोधी अपराध भएको जनाएको छ ।सरकारले भने आन्दोलनका क्रममा सयौं मानिसको ज्यान गएपछि हस्तक्षेप गर्न सेना बाध्य भएको दाबी गरेको थियो । आन्दोलनमा कैयौं हतियारधारीको संलग्नता भएको दाबी गर्दै सरकारले मुस्लिम ब्रदरहुडलाई आतंककारी संगठन घोषित गरेको थियो ।

प्रकाशित : भाद्र २४, २०७५ ०८:०८
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT