२० मा एकको रक्सीले मृत्यु

यो संख्या विश्वभरिमा एड्स, हिंसा र सडक दुर्घटनाका कारण मृत्यु हुनेहरूको भन्दा बढी रहेको विश्व स्वास्थ्य संगठन (डब्लूएचओ) ले शुक्रबार जनाएको छ ।

राष्ट्रसंघीय स्वास्थ्य निकायले हरेक बर्ष मृत्यु भएका प्रत्येक २० जनामध्ये एक जनाको मृत्यु मदिराका कारण हुने गरेको प्रस्ट पारेको हो ।

हालै सार्वजनिक प्रतिवेदनअनुसार यो तथ्यांकमा मदिरा सेवन गरेर सवारी चलाउँदा निधन, मदिरा कारण भएका हिंसात्मक घटना र मदिरले लागेका विभिन्न रोगका कारण मृत्यु भएकाको संख्या जोडिएको छ ।

झन्डै पाँच सय पृष्ठ लामो उक्त प्रतिवेदनमा मृत्यु भएकामध्ये तीन चौथाइको मृत्यु मदिराकै कारण हुने गरेको पाइएको उल्लेख छ ।