अमेरिकी लडाकु विमान जापानमा दुर्घटना

एपी

टोकियो — जापानको दक्षिण–पश्चिमी तटीय क्षेत्रमा दुई अमेरिकी लडाकु विमान बिहीबार आकाशमा जुधेर दुर्घटनाग्रस्त भएका छन् । 

सैनिक अधिकारीहरुले विमानमा सवार चालक दलका ७ मध्ये ५ जना हराइरहेको बताएका छन् । आकाशमा एक लडाकु विमानमा सैनिक विमानबाट तेल भर्ने क्रममा ठोकिएर दुर्घटनाग्रस्त भएको अधिकारीहरुले बताएका छन् ।

Yamaha

अमेरिकी मरिन कप्र्सका अनुसार एफए–१८ लडाकु विमान र तेल बोकेर आएको केसी–१३० सैनिक विमान एकआपसमा ठोक्किएका थिए । पश्चिमी जापानको हिरोसिमानजिक इवाकुनीस्थित अमेरिकी सैनिक अखडाबाट तालिमको सिलसिलामा विमानहरु उडेलगत्तै दुर्घटनाग्रस्त भएको बताइएको छ ।

अमेरिकी सैनिक अधिकारीले दुर्घटना सैनिक अखडाबाट करिब ३ सय २० किलोमिटर टाढा प्रशान्त महासागरमा भएको थियो । तत्काल खोजी तथा उद्धारमा खटिएका सैनिकले चालक दलका दुई सदस्यलाई उद्धार गरेका थिए ।

दुर्घटनाको कारणबारे अनुसन्धान भइरहेको अधिकारीले जनाएका छन् । खोजी र उद्धारमा जापानी सैनिक विमान र पानीजहाज पनि परिचालन गरिएको जापानी सैनिक अधिकारीले बताए ।

पछिल्ला केही समयदेखि जापानी तटीय इलाकामा अमेरिकी लडाकु विमान र नौसैनिक जहाजहरुको दुर्घटना हुने क्रम बढेको छ । गत महिना पनि एउटा अमेरिकी नेभीको लडाकु विमान ओकिनावानजिक दुर्घटनाग्रस्त भएको थियो । गत अक्टोबरमा एउटा एमएच–६० सी–हक लडाकु विमान पनि फिलिपिनी सागरमा उड्नासाथ दुर्घटनाग्रस्त भएको थियो । जापान र अमेरिकाबीचको सुरक्षा सम्झौताबमोजिम जापानमा हाल ५० हजारभन्दा बढी अमेरिकी सैनिक तैनाथ छन् ।

प्रकाशित : मंसिर २०, २०७५ २१:१८
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

विद्यार्थीलाई न्यानो कपडा

दोलखा

काठमाडौँ — दोलखा भिमेश्वर नगरपालिका ५ मा रहेको विसुन्टोल आधारभूत विद्यालयका २० बालबालिकालाई न्यानो कपडा वितरण गरिएको छ । 

अमेरिकाको भर्जिनियामा बस्दै आएका नेपाली बालबालिकाहरूले तिहारमा देउसी–भैलोबाट जम्मा गरेको रकमबाट कपडा वितरण गरिएको हो । २२ हजार ३ सय ३२ रुपैयाँबाट किनिएको कपडा भीमेश्वर नगरपालिकाका उपमेयर कमला बस्नेत र अभियन्ता नीता राउतले संयुक्त रुपमा हस्तान्तरण गरे । बालबालिकालाई निरन्तर विद्यालय आउन यस कार्यक्रमले थप सहयोग पुगेको विद्यालयका प्रधानाध्यापक परशुराम थापाले बताए ।

जम्मा भएको रकमले १ थान स्वीटर र १ थान टोपी प्रदान गरिएको हो । अमेरिकामा बस्ने विस्वेस ढुगाना, स्मीती उपाध्याय, सन्तोष क्षेत्री, अक्षत ढुंगाना, प्रतिक उपाध्याय, रिवाज रेग्मी, पार्थ रेग्मीले हरेक वर्ष देउसी भैलोबाट संकलित रकम नेपालको विभिन्न क्षेत्रमा रहेका बालबालिकाको लागी खर्च गदै आइरहेका छन् ।


प्रकाशित : मंसिर २०, २०७५ २०:५३
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT