नवीन पौडेल

पुर्वी नवलपरासीमा बाघको आक्रमणमा परेर एक जना व्यक्ति घाइते भएका छन् । मध्यबिन्दु नगरपालिका -५ बाघखोर बस्ने ३० वर्षका यमनारायण महतो बाघको आक्रमणबाट घाइते भएका हुन् । 

पुर्वी नवलपरासीको  २ हजार ६ सय हेक्टर वन क्षेत्रमा डढेलो लागेको छ । जसको कारण वन क्षेत्र वरपरका बस्ती आगलागीको उच्च जोखिममा छन् भने यस क्षेत्रको वातावरण नै धुवाँले ढाकेर धुम्म बनेको छ । आँखा पोलेर चस्माविना हिँडडुल गर्न नसकिने अवस्था बनेको छ । 

पश्चिम नवलपरासीको रामग्रामबाट लागूऔषधसहित एक जना पक्राउ परेका छन् । जिल्ला प्रहरी कार्यालयबाट खटिएको टोलीले महेशपुरबाट परासीतर्फ आउँदै गरेको भारतीय नम्बरको युपि ५६ ई  २८७६ नम्बरको मोटरसाइकलमा सवार रामग्राम ७ उजैनी बस्ने वर्ष ५३ को निर्मल नेटुवालाई पक्राउ गरेको हो ।

पश्चिम नवलपरासी प्रहरीले १४ लाख बराबरको भन्सार छली गरेर ल्याइएका सामान बरामद गरेको छ । बिहीबार र आइतबार गरेर १४ लाख बराबरको सामान बरामद गरेको हो ।

बढ्दो गर्मी र तातो हावाको कारण जनजीवन प्रभावित हुन थालेपछि पश्चिम नवलपरासीको रामग्राम नगरपालिकाका शिक्षकलाई ‘लु’ बाट जोगिने उपाय र बालवालिकालाई सुरक्षित राख्नेबारे सचेतना मुलक प्रशिक्षण प्रदान गरिएको छ । तापक्रम बढ्दै गएपछि सम्भावित जोखिमलाई मध्यनजर गर्दै रामग्राम नगरपालिका र रामग्राम जेसीजले शिक्षकहरुलाई प्रशिक्षण प्रदान गरेको हो ।

पूर्व–पश्चिम राजमार्गअन्तर्गत पश्चिम नवलपरासीको भूमहीमा सवारी दुर्घटनामा परेर एक जनाको मृत्यु भएको छ भने एक जना घाइते भएका छन् ।

नेकपा एमाले पश्चिम नवलपरासीको ९ औं जिल्ला अधिवेशन यही वैशाखको २१  र २२ गते  सुनवलमा हुने भएको छ । 

दिनदिनै बढ्दै गएको गर्मी र तातो हावाको कारण पश्चिम नवलपरासीको जनजीवन प्रभावित बनेको छ । तीन दिनदेखि बिहानैबाट तातो हावा चल्ने र दिउँसो तापक्रम ४० डीग्री सेल्सियससम्म पुगेपछि सर्वसाधरण घर बाहिर निस्कन सकेका छैनन् ।

पश्चिम नवलपरासीको पाल्हिनन्दन गाउँपालिका ६ पडरी गाउँका अग्नीपीडितलाई स्थानीय तह र विभिन्न संघसंस्थाले राहत सामग्री वितरण गरेका छन् । 

पश्चिम नवलपरासीको सुस्ता गाउँपालिका-५ को सुस्ता गाउँका बासिन्दा १० दिनदेखि अध्याँरोमा बस्न बाध्य भएका छन् ।