स्थानीयले विभिन्न माग राख्दै एक महिनादेखि ठप्प पारेको नागढुंगा-सिस्नेखोला सुरुङमार्ग निर्माणको काम मंगलबारबाट सुचारु हुने भएको छ । सोमबार भौतिक पूर्वाधार तथा यातायात मन्त्री रघुबीर महासेठ सहित स्थानीयहरुको उपस्थितिमा मन्त्रालयमा भएको वार्तापश्चात् सुरुङको काम सुचारु गर्न सहमति भएको हो ।
नेपाल स्टक एक्सचेञ्ज (नेप्से) परिसूचकमा आज सामान्य अङ्कको वृद्धि देखिएको छ । आज नेप्से परिसूचक तीन दशमलव २७ अंकले बढेर दुई हजार ७३ दशमलव ५३ को बिन्दुमा कायम भएको छ ।
तराई-मधेश द्रुतमार्ग (फास्ट ट्रयाक) अन्तर्गत निर्माणधीन सुरुङको काम ७३ प्रतिशत सकिएको छ । समग्र आयोजनाको गति सुस्त रहेका बेला सुरुङ निर्माणमा भने प्रगति देखिएको हो । फास्ट ट्रयाक अहिले ३ वटा सुरुङ निर्माणधीन छन् । नेपाली सेनाका प्रवक्ता एवं सहायकरथी कृष्णप्रसाद भण्डारीका अनुसार कुल ६ हजार ४ सय १५ मिटर मध्ये ४ हपार ६ सय ५३ मिटर खनिसकिएको छ । अब १ हजार ७ सय ६२ मिटर मात्र खन्न बाँकी रहेको उनले बताए ।
नियामक नेपाल दूरसञ्चार प्राधिकरणले मोबाइल सेवाको गुणस्तर मापन गरेर प्रतिवेशन पेस गर्न सेवा प्रदायकलाई निर्देशन दिएको छ । मोबाइल सेवाको गुणस्तरका विषयमा जनगुनासो बढेकाले ड्राइभ टेस्टमार्फत गुणस्तर मापन गरेर ४५ दिनभित्र प्रतिवेदन बुझाउन प्राधिकरणले दुवै अपरेटरलाई पत्राचार गरेको हो ।
स्थानीय बजारमा पहेलो धातुको मूल्यमा सामान्य हेरफेर भएको छ । नेपाल सुनचाँदी व्यवसायी महासंघका अनुसार छापावाला सुनको मूल्य प्रतितोला पाँच सय रुपैयाले घटेको छ ।
नियमित मर्मत सम्भारका लागि बुधबार मनकामना केबलकार बन्द गरिने भएको छ । बिहीबारबाट भने नियमित रूपमा सञ्चालनमा आउने मनकामना दर्शन प्रालिका निर्देशक राजेशबाबु श्रेष्ठले बताए ।
सरकारी संयन्त्रले दैनिक बजार अनुगमन गरे पनि बजारको अवस्था भद्रगोल रहेको एक सरकारी विवरणले देखाएको छ । वाणिज्य आपूर्ति तथा उपभोक्ता संरक्षण विभागले सार्वजनिक गरेको विवरणअनुसार अनुगमन भए पनि बजारको अवस्था लथालिंग छ । खाद्यवस्तुदेखि लत्ताकपडा, होटल, कस्मेटिक क्षेत्र, विद्युतीय कारोबार (अनलाइन खरिदबिक्री) लगायत सबै क्षेत्रमा उपभोक्ता ठगिएका छन् ।
विगतमा गाभ्ने गाभिने तथा प्राप्ति (मर्जर तथा एक्विजिसन) प्रक्रियापछि सेयर कारोबारमा सेयरधनीलाई दिइएको करछुट सरकारले असुल्न लागेको छ । थप सेयर निष्कासन (एफपीओ) र ‘बार्गेन पर्चेज गेन’ प्रक्रियामा बैंक तथा वित्तीय संस्था, बिमा कम्पनीलगायतबाट ठूलो राजस्व असुलेको सरकारले मर्जर तथा एक्विजिसन प्रक्रियापछि सेयर कारोबारमा दिइएको करछुट असुल्न लागेको हो ।
स्वदेशी, विदेशी पर्यटकको आकर्षण मानिने पोखरालाई पर्यटकीय राजधानी घोषणा गरिएको छ । प्रधानमन्त्री पुष्पकमल दाहालले आइतबार औपचारिक समारोहबीच पोखरालाई पर्यटकीय राजधानी घोषणा गरे । पोखरा प्राकृतिक, सांस्कृतिक साहसिक क्षेत्रको अद्वितीय संगम रहेको र नेपालका मुख्य सहरमध्ये बहुआयामिक विशेषता एवं विशेष सम्भावनायुक्त रहेको प्रधानमन्त्री दाहालले बताए ।
अर्थमन्त्री वर्षमान पुनले आगामी आर्थिक वर्षको बजेटमार्फत करका दर हेरफेर गर्दा त्यसको आवश्यकता र औचित्यको तथ्यपूर्ण विश्लेषण गरिने बताएका छन् । बजेट निर्माण तथा कर प्रणाली निर्धारण गर्दा सर्वसाधारणको समेत सहभागिता रहने गरी सार्वजनिक छलफलमा ल्याइनुपर्ने उनको भनाइ छ ।
सिजन घर्किएपछि अलैंचीको मूल्य बढेको छ । पहाडी जिल्लाका किसानले बिक्री गरिसकेपछि अलैंचीको भाउ यो वर्षकै उच्च बिन्दुमा पुगेको हो । झापाको बिर्तामोडमा मंगलबार प्रतिमन ८३ र पाँचथरमा ८२ हजार रुपैयाँमा कारोबार भएको छ ।