इरफानसँग

यी दुवै कुनै पनि फिल्ममा सँगै देखिएका छैनन्। निर्देशक सञ्जय गुप्ताले त्यो अपवाद तोडन लागेका छन्।
ऐशले सन् २०१० यता कुनै फिल्म खेलेकी छैनन्। मातृत्व सुखमा रमाइरहेकी अभिनेत्री पछिल्लो चोटि हृतिक रोशनको अपोजिटमा 'गुजारिश' मा देखिएकी थिइन्। सञ्जयको फिल्मबाट उनले कमब्याक गर्दै छिन्। अहिलेसम्म 'जज्बा' भनी प्रचार गरिएको त्यो फिल्ममा जोन अब्राहमको छनोट भइसकेको छ। सबै कुरा यथावत् रहे जोनसँग पनि ऐशको यो पहिलो फिल्म हुनेछ। अर्को मेल लिड रोलका लागि इरफानको चयन भएको खबरहरूमा उल्लेख छ।
यो फिल्मको सुटिङ सुरु भइसकेको छैन र ऐश सपरिवार कबड्डी म्याचमा रमाइरहेकी छन्। खेल्नमा होइन, हेर्नमा। क्रिकेटकोझैं गरी भारतमा अरू खेलका पनि फ्रेन्चाइजीहरू सुरु भएका छन्। उनका अभिनेता पति अभिषेक बच्चनले कबड्डीको जयपुर टिम किनेका छन्।
खबर अनुसार, 'जज्बा' मा ऐश वकिलको भूमिकामा देखिनेछिन्। इरफानले निलम्वित प्रहरी बन्नेछन् भने जोन ग्याङस्टर। नीला आँखावाली कुनै बेलाकी विश्व सुन्दरी इजलासमा तर्क-वितर्क प्रस्तुत गरिरहेको देखिनु रोचक हुन सक्छ।

 

प्रकाशित : भाद्र १३, २०७१ ०९:४०