सुनमा नक्कली सुराकी प्रकरण : अख्तियार र गृहलाई छानबिन गर्न निर्देशन

काठमाडौं — संसदको सार्वजानिक लेखा समितीले तस्करबाट सुन बरामदका घटनामा प्रयोग भएका सुराकीको आधिकारिताबारे छानविन गरी दोषी प्रहरीमाथि कारवाही गर्न गृह मन्त्रालय र अख्तियार दुरुपयोग अनुसन्धान आयोगलाई निर्देशन दिएको छ ।


अबैध सुन बरामदीका क्रममा नक्कली सुराकी खडा गरी बरिष्ठ प्रहरी अधिकारीहरुले नै सुराकी बापतको रकम लिएका घटनाबारे बुधबार गृहमन्त्री वामदेव गौतमसंगको छलफलपछि समितिले यस्तो निर्देशन दिएको हो । समितिले नक्कली सुराकी प्रकरणमा गम्भिर अनुसन्धान गरी उजुरीकर्ता नै सक्कली सुराकी ठहरिएमा उनीहरुलाई कानुन अनुसारको रकम दिन, नक्कली सुराकी खडा गर्ने प्रहरीलाई कारवाही गर्न समितिले निर्देशन दिएको हो । 'नक्कली सुराकीका घटनाबारे गम्भिर र वृस्तीत छानविन गरी दोषिमाथि कारबाहीका लागि निर्देशन दिर्ने निर्णय भएको छ' समितिका सभापति जनार्दन शर्माले भने ।
परिवारका सदस्यलाई नक्कली सुराकी बनाएर रकम लिने प्रहरी संगठनभित्रको पुरानै प्रवृत्ति हो ।  राजश्व ऐनअनुसार सुनलगायतका अबैध सामगि्र बरामद गरी प्रतिवेदन पेस गर्ने अधिकारीले २० प्रतिशत कमिशन पाउछन् । भन्सार ऐनअनुसार त्यस्ता घटनामा सुराकी दिनेले अलगै १५ प्रतिशत रकम पाउँछन् । राजश्व ऐन अनुसारको कमिशन पाउने प्रतिवेदक प्रहरीले आफ्नै परिवारका सदस्यलाई सुराकी देखाएर भन्सार ऐनअनुसारको रकम पनि लिएको घटनालाई गम्भिर अपराधका रुपमा लिनुपर्ने उल्लेखगर्दै सांसदहरुले घटनाको थप अनुसन्धान गर्न र दोषिमाथि कारवाही गर्न माग गरेका छन् ।
केन्दि्रय अनुसन्धान ब्युरो (सिआईबी) ले दुई बर्ष अघि कोटेश्वरमा बरामद गरेको ३५ किलो सुनको सुराकीबारे उजुरी परेपछि समितिले छानविन प्रक्रिया सुरु गरेको थियो । उक्त घटनामा आफुले सुराकी दिएको, तर प्रतिवेदनमा नक्कली सुराकी देखाएर बरिष्ठ प्रहरी अधिकारीले सुराकी भत्ता समेत खान खोजेको उजुरीकर्ताको दावी छ । सुराकीको नाम गोप्य राख्नुपर्ने कानुनी प्रावधानका कारण समितिले प्रहरीले गलत सुराकी उल्लेख गरे/नगरेको छानविन गर्न अप्ठ्यारो परेको हो ।
यसअघि समितीले अर्थ मन्त्रालयसंग पछिल्लो तीन बर्षको सुराकी दिने ब्यक्तिहरुको बिबरण समेत माग गरेको थियो । गृहमन्त्री गौतम र अर्थ मन्त्रालयका बरिष्ठ अधिकारीहरुले प्रचलित कानुन अनुसार अदालतले माग गरेको अवस्थामा बाहेक सुराकीको नाम गोप्य राख्नुपर्ने कानुनी दायित्वबारे प्रकाश पारेका थिए । गृहमन्त्री गौतमले सक्कली सुराकीको दाबी गर्नेले गृहमन्त्रालय र प्रहरी निकायमा कुनै उजुरी नदिएको बताए । अख्तियारले यो मुद्धा हेरिरहेको हुदाँ गृहले त्यसमा अनुसन्धान नगरेको हो' उनले भने 'सुराकी काण्डमा प्रहरी कर्मचारीको बदमासी भेटिए कारबाही हुन्छ ।' कांग्रेस सभासद धनराज गुरुङलगायतका सांसदहरुले प्रहरीले सुराकीमा नक्कली सुराकी राखेर अपराध गरेको भन्दै उनीहरुलाई तत्काल निलम्बन गर्न माग गरेका थिए । उनले अपराध रोक्न बसेका प्रहरीले नै किर्ते काम गरेको भन्दै आपत्ती जनाएका थिए ।

प्रकाशित : पुस १६, २०७१ १८:५८
ADVERTISEMENT
प्रतिक्रिया
पठाउनुहोस्

केयूमा कल्याण कोषको रकम फिर्ता गर्न विद्यार्थी संगठनको माग

काठमाडौं — काठमाडौं विश्वविद्यालयको विद्यार्थी कल्याण निर्देशनालयको रकम हिनामिना भएको भन्दै विद्यार्थी संगठनहरुले छानबिनको माग गरेका छन् ।


उनीहरुले  विद्यार्थी कल्याण परिषद्को चुनाव नभएको फाइदा उठाउँदै विद्यार्थी अतिरिक्त क्रियाकलापको रकम मनपरी भएको भन्दै आपत्ति जनाएका छन् । चार बुँदे माग राख्दै विद्यार्थीहरुले विद्यार्थी कल्याण निर्देशानालयको कार्यालयमा तालाबन्दीसमेत गरेका अनेरास्ववियु विश्वविद्यालय अध्यक्ष पुजन गौतमले जानकारी दिए । माग पूरा नभए थप आन्दोलन चर्काउने विद्यार्थी संगठनले चेतावनी दिएका छन् ।
अनेरास्ववियु, नेविसंघ, अनेरास्ववियु क्रान्तिकारीलगायतका विद्यार्थी संगठनले कोषको रकमबारे छानबिन गर्न विद्यार्थी संगठनसमेत सम्मिलित समिति बनाउन, कोषको रकम फिर्ता गर्न, विद्यार्थी कल्याण परिषद् गठन नभएसम्म विद्यार्थी कल्याण निर्देशानालयलाई आर्थिक गतिविधिबाट अलग गर्न र विद्यार्थी कल्याण परिषद् सञ्चालन कार्यविधि (तेस्रो संशोधन) निर्देशिकाले  दिएको कार्यक्षेत्र भन्दाबाहिर जान नपाउने व्यवस्था गर्न माग गरेको छ ।


प्रकाशित : पुस १६, २०७१ १८:२६
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT