सरकारलाई दलहरूको सुझाव

मोदीको भ्रमणबारे छलफल गर्न प्रधानमन्त्री सुशील कोइरालाले बिहीबार बोलाएको सर्वदलीय बैठकमा संविधान सभामा प्रतिनिधित्व गर्ने दलका नेताहरूले यस्तो सुझाव दिएका हुन्।
लामो समयपछि हुन लागेको भ्रमणको उच्च महत्त्व रहेको उल्लेख गर्दै नेताहरूले त्यही अनुसारको तयारी सरकारबाट नभएको भन्दै आलोचना पनि गरेका थिए। मोदी भ्रमणबारे परराष्ट्रमन्त्री महेन्द्रबहादुर पाण्डे र अर्थमन्त्री रामशरण महतले बि्रफिङ गरेका थिए। भारतले कुनै एउटा परियोजनामा सहयोग गर्ने इच्छा देखाएको भन्दै मन्त्रीहरूले अरुण तेस्रो आयोजनाको प्रसंग उठाएका थिए।
भ्रमणका बेला हुलाकी मार्गलाई समयमै सम्पन्न गर्न, मध्यपहाडी र फास्ट ट्रयाक लगायतमा भारतीय सहयोगका लागि आग्रह गरिने विषयमा समेत नेताहरूलाई जानकारी दिइएको थियो। लामो समयदेखि बस्न नसकेका द्विपक्षीय बैठक भएको, उच्च राजनीतिक तहबाट भ्रमण भएको लगायतका विषयले दुई देशबीचको सम्बन्धमा नयाँ आयाम थपिने धारणा मन्त्री पाण्डेले राखेका थिए। अर्थमन्त्री महतले ऊर्जा व्यापार सम्झौता, सीमा विवाद, व्यापार घाटालगायतका विषयमा भारतसँग कुरा गर्न सक्दा फाइदा हुने धारणा राखेका थिए।

प्रकाशित : श्रावण १६, २०७१ ११:३०