बस्ती बचाउन योजना

कान्तिपुर संवाददाता

सिन्धुपाल्चोक — भोटेकोसी बाढीले क्षतिग्रस्त गाउँबस्ती संरक्षण गर्न अर्थ मन्त्रालयले २० करोड रुपैयाँ विनियोजन गरेको छ । गत वर्षातको बाढीले क्षति पुर्‍याएको तातोपानीदेखि बलेफी गाउँपालिकाको लामोसाँघुसम्मका १२ वटा बस्ती संरक्षणका लागि उक्त रकम विनियोजन गरिएको हो ।

सांसद मोहनबहादुर बस्नेतका अनुसार स्थानीयको मागबमोजिम जलउत्पन्न प्रकोप नियन्त्रण कार्यालयमार्फत बजेट विनियोजन गरिएको हो । योजनाअन्तर्गत सुनकोसी किनारमा रहेको लामोसाँघुको खेल मैदानको संरक्षण र निर्माणसमेत हुनेछ ।

भूकम्प, भोटकोकोसी बाढी र जुरेपहिरोका कारण जोखिममा परेका बस्ती जोगाउन सरकारले उल्लेख्य योजना ल्याउन नसकेको स्थानीयको गुनासो छ । पुन:संरचनाका काम अझै हुन सकेको छैनन् । गत वर्षको भोटकोसी बाढीले उत्तरको एक मात्र महत्त्वपूर्ण तातोपानी नाकाको बस्ती नै उजाड बनाएको छ । त्यसपछि हालसम्म पनि सञ्चालनमा नआएको नाका कहिलेबाट चल्ने अझै यकिन छैन ।

प्रकाशित : चैत्र ७, २०७३ ०९:२१
ADVERTISEMENT
प्रतिक्रिया
पठाउनुहोस्

छोटकरी

कान्तिपुर संवाददाता

काठमाडौं — अशोक लिल्यान्डले ‘भाइकिङ बस’ नेपालमा भित्र्याएको छ । यो बसमा १८० एचपी इन्जिन, एयर सस्पेन्सन, इनलाइन एफआईपी तथा मेकानिकल गर्भनर भाइकिङ बसहरूले झैं न्यूनतम इन्धन खर्चमा उच्च प्रदर्शन गर्न सक्ने क्षमता रहेको कम्पनीले जनाएको छ ।

अशोक लिल्यान्डको ‘भाइकिङ बस’

काठमाडौं (कास)– नेपालमा बिक्रेता एलटी इन्टरप्राइजेज प्रालिले राजधानीमा आयोजित कार्यक्रममा अशोक लिल्यान्डको उक्त बस सार्वजनिक गरेको जारी विज्ञपितमा छ ।

कलर्स मोबाइलमा छुट अफर 
काठमाडौं (कास)– कलर्स मोबाइलले आफ्ना केही मोबाइल सेटमा छुट अफर ल्याएको छ । कम्पनीको छुट अफरमा परेका मोबाइल सेटहरूमा ‘पी ८५’, ‘पी ५०’ र ‘पी ३२’ रहेको जारी विज्ञप्तिमा छ । ‘पी ८५’ का विशेषताहरूमा औंला छापको सेन्सर प्रमुख हो, जसले तत्काल बन्द गर्न, खोल्न, तत्काल डायल गर्न, एप र म्यासेज बन्द गर्न, खोल्न मद्दत पुग्दछ । यसैगरी यसमा १६ जीबी रोम र १ जीबी र्‍याम, पछाडि ८ मेगापिक्सल र अगाडि ५ मेगापिक्सल क्यामरा रहेका छन् । 

सेन्चुरीले अल्पाइन प्राप्ति गर्ने 
काठमाडौं (कास)– सेन्चुरी कमर्सियल बैंक लिमिटेडले हेटौंडा ४ मकवानपुरमा केन्द्रीय कार्यालय रहेको अल्पाइन डेभलपमेन्ट बैंकलाई प्राप्ति गर्न सम्झौता पत्रमा हस्ताक्षर गरेको छ । अल्पाइन डेभलपमेन्टले आफ्नो पुँजीमा हकप्रद ज।री गरी करिब ४४ करोड पुर्‍याएर समाहित हुने जारी विज्ञप्तिमा छ । सेन्चुरीले यसअघि इन्नोभेटिभ डेभलपमेन्ट बैंक, अरनिको डेभलपमेन्ट बैंक तथा सगरमाथा फाइनान्सलाई प्राप्ति गर्ने सहमति गरिसकेको छ ।

प्रकाशित : चैत्र ७, २०७३ ०९:२१
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT