सिभिलले बोनस सेयर वितरण गर्ने

कान्तिपुर संवाददाता

काठमाडौं — सिभिल बैंक लिमिटेडको छैटौं वार्षिक साधारणसभाले आव ०७२/७३ को नाफाबाट सेयरधनीलाई २.८८ प्रतिशत बोनस सेयर तथा कर प्रयोजनका लागि ०.१५१६ प्रतिशत नगद लाभांश वितरण गर्ने निर्णय पारित गरेको छ ।

यसैगरी सभाले युनिक फाइनान्स र हामा मर्चेन्ट फाइनान्सलाई सिभिलले प्राप्ति गर्ने प्रयोजनका लागि मूल्यांकनकर्ता जेबी राजभण्डारी एन्ड डिबिन्सबाट प्राप्त दुवै लक्षित संस्थाको सम्पत्ति र दायित्व मूल्यांकन प्रतिवेदन (डीडीए) बमोजिम पछिल्लो बजार मूल्य तथा इजाजत पत्र वर्गसमेतका आधारमा प्रक्रिया अघि बढाएको विज्ञप्तिमा उल्लेख छ । यस प्रक्रियामा सिभिलको प्रतिसेयर मूल्य सय रुपैयाँ बराबर युनिकको ९० रुपैयाँ र हामा मर्चेन्टको ८९ रुपैयाँ कायम हुने गरी सिभिलको एक कित्ता सेयर बराबर युनिक फाइनान्स लिमिटेडका सेयरधनीहरूलाई सिभिलको ०.९० कित्ता र हामाका सेयरधनीलाई सिभिलको ०.८९ कित्ता सेयर दिने भएको छ । 

प्रकाशित : जेष्ठ ५, २०७४ ०९:०७
ADVERTISEMENT
ADVERTISEMENT
प्रतिक्रिया
पठाउनुहोस्

सान्जेनको सेयर निष्कासन गर्नु सम्झौता

कान्तिपुर संवाददाता

काठमाडौं — सान्जेन जलविद्युत् कम्पनी लिमिटेडको सेयर बिक्री गर्नु नागरिक लगानी कोष र सह–निष्काससन तथा बिक्री प्रबन्धक कम्पनीबीच सम्झौता भएको छ । कोष र सह–निष्कासन कम्पनीहरू एनसीएम मर्चेन्ट बंैकिङ, सिभिल क्यापिटल मार्केट, प्रभु क्यापिटल, एनएमबी क्यापिटल तथा ग्लोबल आईएमई क्यापिटलबीच सम्झौता पत्रमा हस्ताक्षर भएको जारी विज्ञप्तिमा छ ।

सान्जेनले पहिलो चरणको सेयर निष्कासनका लािग छुट्टयाइएको समूह ‘ग’ बमोजिमको ऋण दाता संस्थाका कर्मचारी, संस्थापक सेयरधनी संस्थाका कर्मचारी, समूह ‘घ’ अन्तर्गतका कर्मचारी सञ्चय कोषकमा रकम जम्मा गरेका सञ्चयकर्ता कर्मचारीका लागि ८७ लाख ६० हजार कित्ता सेयरको लागि सह–निष्कासन कम्पनीबीच सम्झौता भएको कोषका सूचना अधिकृत उद्धव सिलवालले बताए । 

प्रकाशित : जेष्ठ ५, २०७४ ०९:०७
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT