कोलोराडोमा ‘नेपाल डे परेड’

कान्तिपुर संवाददाता

न्युयोर्क — नयाँ वर्ष २०७४ को अवसर पारेर कोलोराडोमा आइतबार ‘नेपाल डे परेड’ गरिएको छ । शुभकामना आदानप्रदानसहित आयोजित परेडमा विभिन्न खाले नेपाली भेषभूषा एवं संस्कृति प्रस्तुति गरियो ।

कार्यक्रममा कोलोराडोबासी दर्जनौं नेपालीको सहभागिता थियो । परेडमा विशेषत: विभिन्न नेपाली संघसंस्था एवं नेपालका शुभचिन्तक अमेरिकीहरूको उत्साहजनक उपस्थिति थियो । 

कोलोराडोको बोल्डर सहरमा आयोजित परेडमा लाखे नाचको प्रस्तुति विशेष आकर्षण थियो । सहभागीहरूले नेपाल र अमेरिकाका राष्ट्रिय झण्डासहित ब्यानर बोकेका थिए । रकी माउन्टेन फ्रेन्डस् अफ नेपालको आयोजना एवं हेल्पिङ हयान्डको सहयोगमा सञ्चालित परेडमा अवैतनिक दूत एवं लोक गायक प्रेमराजा महत एवं सो नगरका मेयर सुजेन जोन्स प्रमुख अतिथि थिए ।

परेडको आरम्भमा गायकद्वय महत र नरेन्द्र प्यासीले नेपाली राष्ट्रिय गीत गाएका थिए । बोल्डर नगरकी मेयर जोन्सले नेपाली नयाँ वर्षको शुभकामना दिँदै सबैलाई आफ्नो नगरमा स्वागत रहेको उल्लेख गरेकी थिइन् । स्थानीय खुला मञ्चबाट सुरु भएको परेडले नगर परिक्रममा गरेको थियो ।

नेपाली नयाँ वर्षको अवसर पारेर अप्रिलको तेस्रो आइतबार नेपाल डे परेडको आयोजना गर्न थालिएको हो । 

प्रकाशित : वैशाख ७, २०७४ ०८:२२
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

अमेरिकामा सवारी दुर्घटना हुँदा नेपाली युवाको ज्यान गयो

कान्तिपुर संवाददाता

न्युयोर्क — क्यालिफोर्निया राज्यमा एक सवारी दुर्घटना हुँदा नेपाली युवाको मृत्यु भएको छ । बाग्लुङ स्थायी घर भएका २० वर्षीय निराजन पुनको सोमबार कार दुर्घटनामा निधन भएको हो । नर्दन क्यालिफोर्नियाको कोलुसा भन्ने ठाँउमा पुनले चलाइरहेको कारलाई मोडमा अर्को गाडीले ठक्कर दिँदा दुर्घटनाग्रस्त भएको थियो ।

गैरआवासीय नेपाली संघ (एनआरएनए), क्यालिफोर्निया च्याप्टरका अध्यक्ष पूर्ण बानियाँका अनुसार सोमबार छुट्टिको दिन, साथीभाइहरुलाई भेटेर फार्टब्रागबाट आफ्नो बासस्थान डेभिस फर्किने क्रममा साँझ, पुनको कार दुर्घटनाग्रस्त भएको थियो । काठमाडौंस्थित गल्फुटारमा बस्दै आएका पुन, सन् २०१५ मा अण्डर १९ फुटबल खेल्न अमेरिका आएका थिए । केही समययता, उनी क्यालिफोर्नियास्थित नेपाली व्यवसायीद्वारा सञ्चालित एक रेन्टुरेन्टमा काम गर्दै आएका थिए ।

उनको अत्येष्टि एवम् परिवारको आर्थिक सहयोगका लागि ‘गो फन्ड मी’ नामक फन्डराईजिंग प्लेटफर्ममा अर्थ सकंलनको अभियान सुरु गरिएको एनआरएनएका बानियाँले कान्तिपुरलाई बताए ।

प्रकाशित : वैशाख ७, २०७४ ०८:२२
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT