कोरियाको नेपाली दूतावास आइतबार पनि खुल्ने

कान्तिपुर संवाददाता

सोल — दक्षिण कोरियाको सोलस्थित नेपाली दूतावास साप्ताहिक बिदाको दिन आइतबारसमेत खुल्ने भएको छ । आइतबार दूतावासमा आयोजित भेटघाट कार्यक्रममा राजदूत अर्जुन जंगबहादुर सिंहले कामदारको सुविधालाई ध्यानमा राखी आइतबार दूतावास खोल्ने निर्णय गरिएको जानकारी दिए ।

दक्षिण कोरियाको सोलस्थित नेपाली दूतावास साप्ताहिक बिदाको दिन आइतबारसमेत खुल्ने भएको छ ।

आइतबार दूतावासमा आयोजित भेटघाट कार्यक्रममा राजदूत अर्जुन जंगबहादुर सिंहले कामदारको सुविधालाई ध्यानमा राखी आइतबार दूतावास खोल्ने निर्णय गरिएको जानकारी दिए । जनताको काम गर्ने विषयमा परराष्ट्र मन्त्रालयबाट कुनै निर्देशन आवश्यक नपर्ने उल्लेख गर्दै उनले कर्मचारीसँग सल्लाह गरी यो निर्णय लिइएको बताए । अब दूतावास आइतबारदेखि बिहीबारसम्म खुला रहनेछ ।

यसअघि दूतावासले कोरियाको सरकारी नीतिअनुसार शनिबार र आइतबार साप्ताहिक बिदा मनाउँदै आएको थियो । कोरियामा कार्यरत नेपाली कामदारहरूले आइतबार बिदाको दिन दूतावास बन्द हुने भएकाले धेरै कठिनाइ झेल्नुपरेको गुनासो गर्दै आएका थिए ।

दूतावास जानकै लागि कम्पनीमा बिदा लिनुपर्ने र तलबसमेत काटिने गरेको गुनासो उनीहरूको थियो । आइतबार दूतावास खुलेपछि नेपाली कामदार र विद्यार्थी तथा कोरियाली नागरिक थप लाभान्वित हुने छन् । प्रवासी मजदुर युनियन (एमटीयू) का प्रचारप्रसार विभाग प्रमुख मधुसूदन ओझाले दूतावासको यो कदम सकारात्मक भएको बताए ।

प्रकाशित : श्रावण २, २०७४ १४:३६
प्रतिक्रिया
पठाउनुहोस्

रामेछापको खिम्ती बाढी : वेपत्ता अझै भेटिएनन्, राहतमा राजनीति गर्न खोजेको गुनासो

टीकाप्रसाद भट्ट

रामेछाप — शनिबार रातिको बाढीमा परेर हराइरहेका खिम्तीका तीन जनाको अझै अत्तोपत्तो लागेको छेन । आइतबार विहानैदेखि खोजि कार्यमा खटिएका सुरक्षाकर्मी र स्थानीयले मंगलबार मध्यान्हसम्म वेपत्ताको कुनै भेउ पाउन नसकेको हो ।

‘खोजी जारी राखेका छौं ’ जिल्ला प्रहरी कार्यालय रामेछापका प्रमुख कुमोध ढुंगेलले भने, 'अझै भेटिएका छैनन् ।'
बाढीमा परेर ३ जना वेपत्ता छन । वेपत्ता हुनेमा विमान तामाङ्ग (अशोक ) उनकी छोरी मनिला तामाङ्ग र सुमन खत्री रहेका छन । सुमन खत्री लहरेनीमा सानो छाप्रोमा वस्दै आएकी थिइन् । उनको छाप्रो समेत वगाएको छ । तामाङ बाबु छोरी कुलो हुँदै वस्तीमा बाढी पस्ला भनेर कुलो फर्काउन बाढी छेउ गएका थिए ।
वेपत्ता जहाँबाट हराए त्यो स्थानमा उद्धार र खोजकर्ताहरु पुग्न सकिने अवस्था छैन । जहाँ पुग्ने ठाउँ छ त्यहाँ घर जत्रा ढुंगा थुप्रिएका छन् । ‘अव भेटिएला झैं लाग्दैन ’ लिखु गाउँपालिकाका उपप्रमुख दिपशिखा दाहालले भनिन् । खोज्ने कार्य जारी राखेका छौं दाहालले भनिन्, 'भेटिने आशा भने छैन । खोजि कार्यमा नेपाली सेना, प्रहरी, शसस्त्र र स्थानीय छन् ।्
छतिवनेको बाढीले खिम्तीको वहाव क्षेत्रनै परिवर्तन गराइदिएको छ । खिम्ती अहिले लहरेनीको भित्तामा ठोक्किएर वगेको छ । लहरेनीका सयौं रोपनी खेत बगेको छ । खिम्ती हुँदै वेताली जाने सडक चिनोचपेटो छैन । सडक भएको स्थानमा खिम्ती वगेको र बाँकी जमिन नभएकोले पैदल यात्रुलाई समेत हिड्ने स्थान छैन । माथि अक्कर भिरमा झुण्डिंदै फर्पु खिम्ती गर्नेहरु ओहोर दोहोर गरीरहेका छन् ।
बाढीले वगाएका २ जना मृत अवस्थामा फेला परेका थिए । उनीहरुको आइतबारै संस्कार गरिएको छ । घाइते अवस्थामा उद्धार गरीएका ९ जनालाइई उपचारका लागि काठमाडौं पठाइएको छ । उनीहरु सवै खतरामुक्त रहेको बताइएको छ ।
राहत वितरणमा राजनीतिकरण
खिम्तीको बाढी पहिरो पीडितलाई राहत वितरण गर्ने नाममा राजनीतिकरण भएको छ । जिल्ला सदरमुकामबाट रेडक्रस र गैरसरकारी संस्थाका प्रतिनिधि राहत लिएर सोमबार विहान खिम्ती पुग्दा राहत दिनुपर्ने व्यक्तिहरु थिएनन् । गाउँपालिका प्रमुख गोविन्दवहादुर खड्काले राहत सामाग्री वुझ्ने व्यक्ति नआएकोले उक्त सामाग्री जनप्रतिनिधिको जिम्मा दिनुपर्ने वताए । राहत सामाग्री गाडीमा राखेर घण्टौ विवाद चल्यो ।
रेडक्रस र संघसंस्थाका प्रतिनिधिहरुले उक्त सामाग्री आफैले वितरण गर्ने वताउँदा खड्का र अन्य जनप्रनिनिधिले आपत्ति जनाएका थिए । राहत सामाग्री आफैले ल्याएर वितरण गरेको सन्देश दिनका लागि जनप्रतिनिधिहरुले त्यसो गरेकोले राहतको नाममा राजनीति गर्नु नहुने भन्दै स्थानीय समेत गुनासो गर्न थालेपछि ५ जना पीडितलाइ बोलाएर सांसद आङटावा शेर्पा र सहायक प्रमुख जिल्ला अधिकारी सिताराम थापाले सामाग्री हस्तान्तरण गरिएको थियो । अन्य सामाग्री गाउँपालिकाको जिम्मा लगाइएको छ । शेर्पाले आफ्नातर्फबाट मृतक र वेपत्ता हुने ५ जनाका परिवारलाइ ७ हजारका दरले नगद हस्तान्तरण गरेका थिए ।

प्रकाशित : श्रावण २, २०७४ १४:३६
पूरा पढ्नुहोस्
प्रतिक्रिया
पठाउनुहोस्