समलिङ्गी विवाह मान्यताका लागि अस्ट्रेलियामा मतदान

नारायण खड्का

अस्ट्रेलिया — समलिङ्गी विवाहलाई मान्यता दिने वा नदिने विषयमा अस्ट्रेलियामा हुलाकबाट राष्ट्रिय रुपमा मतदान हुने भएको छ ।

यदी उक्त मतदानबाट समर्थनको पक्षमा नतिजा आएमा अस्ट्रेलियामा समलिङ्गी विवाहले मान्यता पाउनेछ । अस्ट्रेलियामा समलिङ्गी विवाहलाई मान्यता दिनुपर्छ भन्ने विषयमा लामो समयदेखि कुरा उठाउँदै आइएको छ । संसदीय निर्वाचनको समयमा पनि यो विषय प्राथमिकतामा परेको थियो । सरकारले १ सय २२ मिलियन अष्ट्रेलियन डलर मतदानमा खर्च गर्ने जनाएपछि यस सम्बन्धमा अदालतमा मुद्दा समेत परेको थियो । तर, मुद्दामा अदालतले सरकारको पक्षमा फैसला गरेपछि यही मंगलबार मतपत्र हुलाकमार्फत सबै अस्ट्रेलियालीहरुलाई वितरण गर्ने सरकारले तयारी गरेको छ ।

अहिले अस्ट्रेलियामा समर्थन र विरोधमा आवाजहरु आइरहेका छन् । तर, पनि प्रधानमन्त्री माल्कम टर्नबुलले र विपक्षी दलका नेता बिल सर्टनलगायतले भने यसलाई समर्थन गर्ने बताइरहेका छन् । यदी यहाँका जनताले समर्थनको पक्षमा बहुमत दिए भने संसद्‌मार्फत यसलाई कानुनी रुप दिइने तर विरोधमा मत खसेको खण्डमा भने संसदबाट यो पास नहुने प्रधानमन्त्री टर्नबुललाई उल्लेख गर्दै सञ्चारमाध्यमहरुले जनाएका छन् ।

यसका साथै समलिङ्गी विवाहको पक्ष र विपक्षमा रहेका सर्वसाधारणहरुका बिचमा झडप भएको समाचारहरु समेत सार्वजनिक भएका छन् । पक्ष र विपक्षमा यहाँ रहेका सबै दलहरुका सांसदहरु पनि एकमत हुन सकेका छैनन् भने सबै राजनीतिक दलहरुबीचमा समेत एकमत देखिएको छैन ।

प्रकाशित : भाद्र २५, २०७४ ११:१०
प्रतिक्रिया
पठाउनुहोस्

मेरो सानू भाइ

मलाई धेरै माया गथ्र्यो मेरो सानू भाइतातेताते गर्छु भन्थ्यो मेरो हात समाइहातमुख धुन खोज्थ्यो मैले जस्तै गरीमेरो किताब पल्टाएर पढ्थ्यो बाह्रखरी

मलाई धेरै माया गथ्र्यो मेरो सानू भाइ
तातेताते गर्छु भन्थ्यो मेरो हात समाइ
हातमुख धुन खोज्थ्यो मैले जस्तै गरी
मेरो किताब पल्टाएर पढ्थ्यो बाह्रखरी
दूध, बिस्कुट खान खोज्थ्यो माम नखाने रे
मेरै स्कुल जान्छु भन्थ्यो अन्त नजाने रे
मम्मी भोक लाग्यो भन्दै भान्सातिर जान्थ्यो
तरकारी जे पकाए’नि काउली भन्ने ठान्थ्यो
मीठो मानी खान्थ्यो भाइले उसिनेको आलु
हप्काउँथ्यो कहिले मलाई बन्दै आफू ठालु
अहिले भाइ ठूलो भयो कुरा धेरै बुझ्छ
दिज्जु सँगै खेलौं भनी यताउति कुद्छ
मसँगै स्कुल जान्छ सँगै होमवर्क गर्छ
मैले किताब पढे मात्र भाइले किताब पढ्छ
कहिलेकाहीं दु:ख दिन्छ साहै्र बदमास बनी
कहिले फेरि हँसाउँछ जोकहरू भनी
मलाई साहै शून्य लाग्छ भाइ कतै जाँदा
उसको खुब याद आउँछ मीठो चीज खाँदा ।
सुमी खड्का, कक्षा : ९
ब्राइटफ्युचर मावि, नयाँ नैकाप, काठमाडौं

प्रकाशित : भाद्र २५, २०७४ ११:१०
पूरा पढ्नुहोस्
प्रतिक्रिया
पठाउनुहोस्