एनआरएनए यूकेको अध्यक्षमा फगामी निर्वाचित

कान्तिपुर संवाददाता

लन्डन — गैरआवासीय नेपाली संघ बेलायत (एनआरएनए यूके)को अध्यक्षमा योगकुमार फगामी निर्वाचित भएका छन् ।

शनिबार सम्पन्न निर्वाचनमा फगामी १ हजार २९८ मत प्राप्त गरी विजयी भए भने उनका प्रतिद्वन्द्वी कृष्ण तिमल्सेनाले ९१२ र हिराधन राईले ५६० मत ल्याए । उपाध्यक्षमा डा. प्रेमबहादुर आले, प्रेम गाहामगर, पुनम गुरुङ, ललितकुमार न्यौपाने, शेरबहादुर सुनार र सुशीला राई निर्वाचित भएका छन् । 

त्यसै गरी, महासचिवमा राजकुमार त्रिपाठी विजयी भए भने उपमहासचिवमा विनय अधिकारी, सचिवमा तारानाथ भण्डारी, नारायण पौडेल गाउँले र सुरज मास्के, कोषाध्यक्षमा सचिन श्रेष्ठ तथा सहकोषाध्यक्षमा गजेन्द्र गुरुङ निर्वाचित भएका छन् । युवा संयोजकमा लालबहादुर गुरुङ (एलबीजेड) र कुमार थापा निर्वाचित भए । 

सदस्यहरुमा अर्कराज तिम्सिना, गंगाबहादुर राना, जीतबहादुर रानाभाट, डेबिन्द्र थापा, पवन शर्मा, पवन राई, विमला लिम्बू, मुकेश राना र होमनाथ पौडेल निर्वाचित भए । 

आईसीसी सदस्यहरुमा कुमारी गुरुङ, जयप्रकाश गुरुङ र शान्ति थापा कुँवर निर्वाचित भएको निर्वाचन समितिले जनाएको छ । 

जितपछि खुसी व्यक्त गर्दै अध्यक्ष फगामीले सबै मतदाताप्रति आभार व्यक्त गरेका छन् । उनले आफ्नो कार्यकाल चुनौतीपूर्ण रहेको बताउँदै पराजित साथीहरुसँग पनि सहकार्य गरेर अगाडि बढ्ने बताए ।

प्रकाशित : भाद्र २५, २०७४ १४:०६
प्रतिक्रिया
पठाउनुहोस्

राप्रपा (प्रजातान्त्रिक) संसदीय दलको नेतामा बोहरा

कान्तिपुर संवाददाता

काठमाडौं — राष्ट्रिय प्रजातन्त्र पार्टी (प्रजातान्त्रिक)को संसदीय दलको नेतामा दीपक बोहरा सर्वसम्मत चयन भएका छन् । राप्रपा (प्रजातान्त्रिक) संसदीय दलको आइतबार चाबहिलमा बसेको बैठकले दलको नेतामा बोहरा र उपनेतामा विक्रम पाण्डेलाई चयन गर्ने निर्णय गरेको हो । पूर्वमन्त्री बोहरा यसअघि राप्रपा नेपाल र राप्रपाबीचको एकीकृत पार्टीमा दलको उपनेता थिए ।

राष्ट्रिय प्रजातन्त्र पार्टी (प्रजातान्त्रिक)को संसदीय दलको नेतामा दीपक बोहरा सर्वसम्मत चयन भएका छन् ।

राप्रपा (प्रजातान्त्रिक) संसदीय दलको आइतबार चाबहिलमा बसेको बैठकले दलको नेतामा बोहरा र उपनेतामा विक्रम पाण्डेलाई चयन गर्ने निर्णय गरेको हो । पूर्वमन्त्री बोहरा यसअघि राप्रपा नेपाल र राप्रपाबीचको एकीकृत पार्टीमा दलको उपनेता थिए । त्यसभन्दा पहिले राप्रपामा दलको नेता नै थिए ।

राप्रपा प्रजातान्त्रिकबाट संसद्‌मा १८ जना सांसद्ले प्रतिनिधित्व गर्छन् । सत्तासमर्थित राप्रपा प्रजातान्त्रिक छिट्टै सरकारमा सहभागी हुने नेता बोहराले कान्तिपुरलाई बताए ।

कमल थापा नेतृत्वसँग अलग भएपछि पशुपति शमशेर राणाले राप्रपा प्रजातान्त्रिक गठन भएका हुन् ।

प्रकाशित : भाद्र २५, २०७४ १४:०६
पूरा पढ्नुहोस्
प्रतिक्रिया
पठाउनुहोस्