अनेसास कतारको छैठौं अधिवेसन
काठमाडौं — अन्तर्राष्ट्रिय नेपाली साहित्य समाज कतारको छैठौं अधिवेसन सम्पन्न भएको छ । अधिवेशनको अवसरमा १५२ औं मोती जयन्ती र अनेसास नवोदित वाचन डबलीको ७३ औं श्रृखला आयोजना गरिएको थियो ।
अनेसास कतार च्याप्टरका अध्यक्ष तीर्थसंगम राईको सभापतित्वमा सम्पन्न अधिवेशनले श्यामराज रानाभाटको अध्यक्षतामा ११ सदस्यीय नयाँ कार्यसमिति चयन गरेको छ ।
नयाँ कार्यसमितिमा प्रथम उपाध्यक्ष प्रेमप्रसाद भट्टाराई, द्वितिय उपाध्यक्ष सिताराम थापा, महासचिव मणि पौडेल, सचिव निराजन लुइटेल, कोषाध्यक्ष भोला थापा सह कोषाध्यक्ष हरि अधिकारी रहेका छन् । सदस्यहरु दीप मिलन, बिन्दा लामा, चक्र कार्की र सन्तोष अधिकारी छन् ।
अधिवेशनलाई सम्बोधन गर्दै नेपाल पत्रकार महासंघ कतार शाखाका अध्यक्ष गणेश बन्जाडेले प्रवासमा विकसीत भइरहेको नेपाली साहित्यलाई नेपालसँग जोड्न जरुरी रहेको बताए ।
कार्यक्रममा सन्ध्या ग्रुप अलखोरका अध्यक्ष बिरेन्द्र याक्थुम्बा, नबोदित साहित्यीक वाचनालयका अध्यक्ष लेख कार्की र प्रवासी आदिवासी जनजाति महासंघका उपाध्यक्ष लिलाम चिडीमगर लगायतकाले शुभकामना दिएका थिए ।
प्रकाशित : भाद्र २६, २०७४ १२:०९