वाम गठबन्धनको कतारमा स्वागत

कान्तिपुर संवाददाता

काठमाडौं — नेकपा एमाले र माओवादी केन्द्रका प्रवास रहेका संगठनहरु क्रमशस् प्रवासी नेपाली मञ्च र नेपाली जनप्रगतिशील मञ्च कतारले वाम गठबन्धनको स्वागत गर्दै ऐक्यवद्धता जनाएको छ ।

नेकपा एमाले र माओवादी केन्द्रकाप्रवास रहेका संगठनहरु क्रमशस् प्रवासी नेपाली मञ्च र नेपाली जनप्रगतिशील मञ्च कतारले वाम गठबन्धनको स्वागत गर्दै ऐक्यवद्धता जनाएको छ ।

प्रवासी नेपाली मञ्चका अध्यक्ष चानक पोखरेल र जनप्रगतिशीलका संयोजक रकमध्वज राईले संयुक्त प्रेस विज्ञप्ती जारी गर्दै वाम एकताको स्वागत गरेको हो ।

‘आर्थिक समृद्धिको प्रक्रियालाई तिव्रताका साथ अगाडि बढाउन उत्पादक शक्ति, उत्पादकत्व एंव उत्पादनमा बृद्धि गरी गरिवी, वेरोजगारी, असमानता र परनिर्भताको अन्त्य गर्दै आत्मनिर्भर अर्थतन्त्रको बिकास गर्नुपर्दछ । जसको लागि एक स्थायी सरकारको आवश्यकता पर्छ । त्यसको लागि वाम एकता आजको अपरिहार्यता हो,’ बिज्ञप्तीमा भनिएको छ ।

दुई संगठनले मुलुकमा राजनैतिक अस्थिरताको अन्त्य गर्दै बामपन्थी शक्तिहरुको अत्याधिक बहुमतको सरकार निमार्ण गरी देशलाई आर्थिक रुपले समृद्ध वनाउन प्रतिनिधि र प्रदेश सभाका निर्वाचनमा वाम गठबन्धनका उम्मेदवारहरुलाई विजयी वनाउन समेत अपिल गरेको छ ।

प्रकाशित : कार्तिक २८, २०७४ १५:५९
प्रतिक्रिया
पठाउनुहोस्

लोकतान्त्रिक गठबन्धनका उम्मेदवारलाई लक्षित गरी विष्फोट

घनश्याम खड्का

म्याग्दी — लोकतान्त्रिक गठबन्धनका उम्मेदवारहरुलाई लक्षित गरी मंगलबार दिउँसो २ बजे बेनी नगरपालिका-१ अर्जम छेउ विष्फोट भएको छ । विष्फोटनबाट कुनै मानवीय क्षति नपुगेको प्रहरीले जनाएको छ ।

प्रतिनिधि सभा सदस्य उम्मेदवार खमबहादुर (खम्वीर) गर्वुजा, प्रदेश सभा ‘क’ का सदस्य उम्मेदवार राप्रपाका भीमप्रसाद गौचन समेतका चुनाव प्रचार टोली मंगलबार बेनी नगरपालिका-१ रत्नेचौरमा चुनावी सभा गरी बेनपा-२ भकुण्ड तर्फ लाग्ने क्रममा विष्फोटन गराएको थियो । विष्फोटनको जिम्मेवारी समाचार लेख्दासम्म कसैले लिएको छैन ।

‘हामी रत्नेचौरको कार्यक्रम सकेर गाडीमा भकुण्डे तर्फ जाँदै थियौं । म चढेको गाडी अघि थियो, उम्मेदवार पछिल्लो गाडीमा हुनुहुन्थ्यो, अर्जम नजिक बाँसघारी छेउमा पुग्दा विष्फोटन भयो’ प्रचार टोलीमा संलग्न निर्वतमान सांसद रेशमबहादुर बानियाँले भने, ‘विष्फोटनपछि साना ढुंगा र माटोले गाडी छोपियो । १ मिटर पछि परेकोले मानवीय क्षतिबाट जोगियौं ।’

प्रहरी नायव उपरिक्षक बसुन्धरा खड्काका अनुसार प्रहरीले घट्नास्थलमा साना जिआई पाईपका टुक्रा, केही तारका टुक्रा फेला परेको छ । घट्नाको थप अध्ययन/अनुसन्धान भइरहेको छ ।

प्रकाशित : कार्तिक २८, २०७४ १५:५९
पूरा पढ्नुहोस्
प्रतिक्रिया
पठाउनुहोस्