हृदयघातबाट निधन भएका प्रकाश र खुशीरामको कोरियामा श्रद्धाञ्जलीसभा

कान्तिपुर संवाददाता

सोल — आकस्मिक हृदयघातका कारण निधन भएका नेकपा माओवादी केन्द्रका पोलिटव्यूरो सदस्य तथा पुष्पकमल दाहाल पुत्र प्रकाश दाहाल र जनवादी गायक खुशीराम पाख्रिनको आइतबार श्रद्धाञ्जलीसभा गरिएको छ ।

माओवादीका प्रवास संगठन जनप्रगतिशित मञ्च दक्षिण कोरियाले सोल स्थित नेपाल हाउसमा श्रद्धाञ्जलीसभा आयोजना गरेको हो । सभामा  उपस्थित सबैले  दिवंगत दुवै नेताको तस्वीरमा फुलको गुच्छा, खादा र अविर  चडाउदै भावपुर्ण श्रद्धाञ्जलि व्यक्त गरेका थिए ।

सभामा एनआरएनए कोरियाका अध्यक्ष लक्ष्मी लामा , एनआरएनए एसिया प्यासिफीक सहसंयोजक विनोद कुवर, एनआरएनए महिला उपसंयोजक जुनुगुरुङ, आईसीसी प्रतिनिधी लोचन राई, एनसीसी कोरियाका अध्यक्ष अञ्जु केसी, लगायत विभिन्न राजनीतिक भातृसंगठन, क्षेत्रीय संघ संस्थाका प्रतिनिधिहरुले श्रद्धाञ्जली अर्पण गरेका थिए ।

नेकपा माओवादी केन्द्रका अध्यक्ष पुष्पकमल दाहाल पुत्र प्रकाशको हृदयघातका कारण मंसिर ३ गते बिहान निधन भएको थियो भने खुशीरामको चितवनको चुनावी सभाका क्रममा केहीदिन अघि ह्रृदयघातकै कारण निधन भएको थियो ।

प्रकाशित : मंसिर ११, २०७४ १३:५३
प्रतिक्रिया
पठाउनुहोस्
ADVERTISEMENT
ADVERTISEMENT

प्रतिबन्धित जडिबुटी सहित एकजना पक्राउ

मेनुका ढुंगाना

अछाम — अछाममा प्रतिबन्धित जडिबुटी सहित एक व्यक्ति पक्राउ परेका छन् । ‘विषमजरा’ नामक प्रतिबन्धित जडिबुटी रामारोशनबाट अवैध रुपमा संकलन गरी ओसारपसार गरिरहेको अवस्थामा पञ्चदेवल विनायक नगरपालिका–४ का ३७ वर्षिया कम्मान सिंह विष्ट पक्राउ परेका हुन् ।

विष्ट शनिबार रामारोशन गाउँपालिका–५, रामारोशनको जलथल गडा भन्ने ठाउँमा इलाका वन कार्यालय शान्तडाका वन कर्मचारीको गस्तीका क्रममा पक्राउ परेको जनाइएको छ ।

करिव २ सय १२ किलो विषमजरा जडिबुटी ओसारपसार गरिरहेको फेला पारेपछि वन कर्मचारीले प्रहरीको सहयोगमा विष्टलाई नियन्त्रणमा लिएर आवश्यक कानूनी कारबाहीका लागि जिल्ला वन कार्यालय अछाममा बुझाएको प्रहरीले जनाएको छ ।

इलाका वन कार्यालय शान्तडाका वन कर्मचारीहरुले आवश्यक कागजपत्र भए/नभएकोबारे छानविन गर्दा केहीपनि नभेटिएपछि नियन्त्रणमा लिएर हिरासतमा राखिएको जिल्ला वन कार्यालय अछामका सूचना अधिकारी विकाश शर्माले बताए ।

कार्यालयले रेञ्जर विमल चन्दलाई अनुसन्धान अधिकृत तोकेर उक्त घट्नाको अनुसन्धान अघि बढाइएको उनको भनाइ छ । उक्त जडिबुटी वन ऐन बमोजिम प्रतिकेजी १० रुपैयाँ राजश्व निर्धारण भएको सूचना अधिकारी शर्माले जानकारी दिए ।

प्रकाशित : मंसिर ११, २०७४ १३:४३
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT