‘फाटेको जुत्ता’ डेढमहिने विदेश यात्रामा

कान्तिपुर संवाददाता

काठमाडौं — यति बेला पहिलो सातामा चलिरहेको ‘फाटेको जुत्ता’ ले डेढमहिने विदेश यात्रा सुरु गरेको छ । नोभेम्बर ४ मा अस्ट्ेरलियाको सिडनीबाट प्रदर्शन यात्रा थालेको निकेश खडका निर्देशित उक्त फिल्मले सिडनी र जापानको टोकियोमा हाउसफुल सो सम्पन्न गरेको निर्माता अर्जुनकुमारले जनाएका छन् ।

सौगात मल्ल, कामेश्वर चौरसिया, रवीन्द्र झा, प्रियंका कार्कीलगायतको अभिनय रहेको ‘फाटेको जुत्ता’ ले तराईको पृष्ठभूमिमा रहेर कथा वाचन गरेको छ । फिल्मले मध्यम समीक्षा बटुले पनि स्वदेशी बक्सअफिसमा भने सन्तोषजनक व्यापार गरिरहेको छ ।

१३ नोभेम्बरमा अस्ट्रेलियाकै मेलबर्नमा देखाइने फिल्म त्यसपछि जर्मनी, पोल्यान्ड र हंगकंगमा देखाइने बताइएको छ । निर्माता अर्जुनकुमारका अनुसार, नोभेम्बरमै डेनमार्क र बेल्जियममा पनि प्रदर्शनका लागि निश्चित भइसकेको छ । त्यसैगरी अमेरिकाको टेक्सासमा १० डिसेम्बरमा सो निश्चित गरिएको ‘फाटेको जुत्ता’ दक्षिण कोरिया र पोर्चुगलमा त्यसको पाँच दिनपछि देखाइने छ । क्यानाडा र इजरायलमा १८ डिसेम्बरमा प्रदर्शनपछि फिल्मको हाल निश्चित भएको अन्तिम सो बेलायतमा २३ डिसेम्बरमा हुनेछ ।

प्रकाशित : कार्तिक २२, २०७४ ०८:०९
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

‘फेरिफेरि’ खेल्दै अर्पण–ऋचा

कान्तिपुर संवाददाता

काठमाडौं — अर्पण थापा र ऋचा शर्मा पछिल्लो पटक ‘आधा लभ’ मा स्क्रिन सेयर गरेको देखिएका थिए । उक्त फिल्मलाई अर्पण स्वयंले निर्देशन पनि गरेका थिए । उक्त जोडीलाई दर्शकले खासै साथ नदिए पनि अर्पण र ऋचा भने ‘फिर्के’ मा पनि दोहोरिए ।

यति बेला सोही जोडीलाई लिएर निर्देशक पुरन थापाले ‘फेरिफेरि’ बनाउन लागेका छन् । यसअघि कमेडी जानरामा ‘पिरिम पर्‍या छन्’ र ‘कान्छी मटयाङ टयाङ’ निर्देशन गरेका थापाले ‘फेरिफेरि’ पनि कमेडी शैलीमै बनाउने बताएका छन् ।

टेलिसिरियलमा ‘दोहोर्‍याई दोहोर्‍याईकन’ भन्ने थोगोका कारण कमेडी कलाकारमा समेत हिट पुरनको फिल्ममा अर्पण र ऋचासहित ओम प्रतीक गुरुङ, धर्मेन्द्र आचार्य र स्वयं पुरन प्रमुख भूमिकामा देखिँदै छन् ।
माता वसुन्धरा मुभिजको प्रस्तुतिमा बन्ने उक्त फिल्म उच्च प्रविधिमा खिचिने बताइएको छ । रामेश्वर कार्कीले खिच्ने फिल्ममा एनबी महर्जनको द्वन्द्व निर्देशन र विकास चौधरीको संगीत रहनेछ ।

प्रकाशित : कार्तिक २२, २०७४ ०८:०९
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT