इन भोग

कान्तिपुर संवाददाता

काठमाडौं — रात छिप्पिँदै थियो । चिसो बढ्दै थियो । एक हूल पुुरुष मोडल कम्मरमाथि चाहिँ कोट मात्रै लगाएर र्‍याम्पमा देखा परे । दर्शकलाई यो दृश्य कौतूहलपूर्ण लागेको उनीहरूको हाउभाउबाट बुझिन्थ्यो ।

दरबारमार्गस्थित अन्नपूर्ण होटलमा बुधबार हाउस अफ फेसनले ‘इन भोग’ थिममा गरेको फेसन सोमा विभिन्न डिजाइनरका पहिरन प्रदर्शन गरिए । सोमा मिसेक लिम्बू, पूजा बगरिया, कैलाश कुँवर,
मनिता थापा, दीपा केसी, उत्कृष्ट वीरविक्रम शाह, अनुुग्रह अधिकारी र होम अफ फेसनका डिजाइनर ड्रेस प्रदर्शन गरिए ।

हातले बुनेका वान पिस आकर्षक थिए । त्यस्तै, पार्टी वेयर र गाउन सदाबहारलगायतका पहिरन पनि देखाइए । पिंक, क्रिम, ब्ल्याक र मरुन रंगमा बनेका गाउनहरू पनि लोभलाग्दा देखिन्थे ।

प्रकाशित : कार्तिक २४, २०७४ ०९:३५
ADVERTISEMENT
प्रतिक्रिया
पठाउनुहोस्

चित्रकारले दिए सहयोग

कान्तिपुर संवाददाता

कास्की — चित्रकारहरू चित्र प्रदर्शनीमा भएको बिक्रीबाट संकलित ६५ हजार रुपैयाँ बाढीपीडितका लागि प्रधानमन्त्री दैवीप्रकोप राहत कोषमा जम्मा गरेका छन् । सृजनशील कलाकार समूह कास्कीका संयोजक नगेनसिंह ठकुरीको नेतृत्वमा कलाकर्मीले रकम जम्मा गर्न विहीवार कास्कीका प्रजिअ तारानाथ अधिकारीलाई हस्तारण गरे ।

बाढीपीडितलाई सहयोग गर्ने उद्देश्यले गरिएको प्रदर्शनीमा २७ चित्र बिक्री भएका थिए । दुर्गा बराल, क्षेत्रलाल कायस्थ र संयोजक ठकुरीसँगै एक दर्जन कलाकर्मीका चित्र बिक्री भएको रकममध्ये ५० प्रतिशत समूहको कोषमा राखेर ५० प्रतिशत सरकारलाई हस्तान्तरण गरिएको समूहले जनाएको छ ।

प्रकाशित : कार्तिक २४, २०७४ ०९:३५
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT